Hierophis viridiflavus
|
|
Quel articul chì l'è scrivüü in Lumbard, cun l'urtugrafia insübrica ünificada. |
| Hierophis viridiflavus | ||||||||||||
|---|---|---|---|---|---|---|---|---|---|---|---|---|
 | ||||||||||||
| Stat de conservazion | ||||||||||||
| Classifigazion sientífiga | ||||||||||||
| ||||||||||||
| Nomm binomial | ||||||||||||
| Hierophis viridiflavus |
El Milò (Hierophis viridiflavus Lacépède 1789), l'è un bìs chel vìu visìn ai mación o arént ai cà abanunàd, generalmént in ambiént cun tànta vegetasión.
Long fin a dü metòr, da grand el g'ha la pèl négra cun mace giàlde. El milò el se möu apéna de dì e sémpor partèra, anca se l'è bón 'd rampegàs àgil e svèlt. Par quést el sò ambiént preferìd l'è la tèra cun le piànte erbàcee.
El pàcia lüzerte e ràt. Quand el g'ha fam el pöd mangià anca i öu o i üzéi picinìn, àltor bìs e ràn.
El milò l'è no velenùs, l'è no famùs, ma l'è impurtànt 'me stabilizadù dal nümor di ràt. Un milò el pöd mangià anca dü ràt al dì.
El num
[Modifega | modifica 'l sorgent]El Milò l'è cunusìd cun chel num chi in Lumbardia in d'le pruince de Milan, Lod e Pavia, in Piemùnt in pruincia de Nuàra e in Emìlia in pruincia de Piasensa, ménter a nord de Milan el ciàpa el num de Milòrd.
El serpént l'è famùs anca par le sò scumàgne: ratèra in del Varesòt parchè el pàcia i ràt; bis scursòn in Svìsra parché quand tel ciàpi el sùfia föra l'aria; verem bastunér o bìs bastunér a Bèrghem e Brésa.
Par ch'el num el g'ha da dipénd dal cumpurtamént d'la bìsa e dal culùr d'la sò pel. El milò el g'ha un andamént signurìl, el se spavénta mai e anca quand el scàpa l'è sémpor elegànt. La so pel l'è negra 'me el vestìd d'un lord inglés e le mace giàlde di volt parùn butón: el milò l'è pròpri el sciùr di bìs.