Wii U

De Wikipedia
Lumbard ucidental Quest articol chì l'è scrivuu in lombard, grafia milanesa.
Console e Wii U GamePad

El Wii U a l'è 'na console de la Nintendo sortida in del 2012. Evoluzion del Wii, n'è pienament compatibil. I sò concorrent a hinn staa la Xbox One e la PlayStation 4.

Storia[Modifega | modifica 'l sorgent]

El Wii U el nass per fà ona console che la sia no considerada tropp casual comè 'l Wii ma pussee seria, per esempi cont l'alta definizion e 'n multigiugador seri. A gh'era anca l'ideja de mett on schermo intern, ideja arenta ai VMU del Sega Dreamcast, ideja che l'è poeu deventada el GamePad.

El 7 de giugn 2011 a l'è nonziada al publich, e l'è stada venduda per la prima voeulta in Occident prima che in Orient. In l'april 2016 a l'è stada nonziada la fin de la produzion, deventada offiziala a genar 2017.

Caratteristich[Modifega | modifica 'l sorgent]

Periférich[Modifega | modifica 'l sorgent]

Controller classich

El principàl sistema de input a l'è el Wii U GamePad, on controller cont on schermo touch resistiv. El permètt anca de vess doperaa 'me normal telecomand per la TV.

A gh'è anca on controller pussee classich, el Wii U Pro Controller.

El resta compatibil cont el Wii Remote e tucc i àlter periférich 'me i Nunchuck e la Balance Board.

Software[Modifega | modifica 'l sorgent]

Per savenn pussee, varda l'articol Sistema operativ Wii U.

De default el GamePad el mostra 'na griglia di canaj e la television la piazza di Mii, ma la se pò modifegà a piesè 'sta configurazion.

El Wii U el supporta di servizzi de streaming 'me quell de Amazon e Netflix ma mìnga la lettura di DVD e Blu Ray, retegnuu ridondant per la Nintendo.

Nintendo Web Framework[Modifega | modifica 'l sorgent]

El Nintendo Web Framework a l'è 'n Framework presentaa in del 2013 che 'l doperà WebKit, HTML5 e JavaScript per facilità el porting di gioeugh faa 'me web app in sul GamePad.

Retrocompatibilità[Modifega | modifica 'l sorgent]

Compagn del Wii cont el GameCube el Wii U a l'è pienament retrocompatibil cont el Wii a nivell hardware e 'l pò dònca doperà i sò gioeugh e i sò periférich: Addirittura el Wii Remote a l'è vuna di periférich pussee important del Wii U.

El sistema Wii el permètt de doperà el sportell SD de la console ma domà du di port USB del sistema.

A gh'è anca la Virtual Console, per crompà i gioeugh pussee iconich di piattaform classich di videogioeugh 'me el NES o el Commodore 64.

Vos corelaa[Modifega | modifica 'l sorgent]