Vescov
|
Quest articol chì l'è scrivud in lombard, con la Noeuva Ortografia Lombarda |
El vescov (anca vesch o vesquev) a l'è el responsabil de 'na diocesi e in tute i gese che ghe creden in l'episcopad storegh, compagn de quella catolega, ortodossa e anglicana, l'è considerad 'me sucessor di apostoi: in d'una quaj gesa protestanta, inveci, se ritegn che el vescov l'è domà una carega ministrativa.
Segond i catolegh – anca quei independent – i ortodoss e i ortodoss orientai, el vescov l'è vun di trè fate de sacerdozzi fad su del Gesù, e quell pussee important, che 'l gh'ha i pien podé: per quella reson chi el po vesser domà un vescov a ordenà un vescov. 'Sti gese chi ameten no che se ordinen di done vescov, menter di confession protestante e anglicane el fann.
Di simboi classegh del vesser vescov inn el baston pastoral, la mitria, la cros petoral e l'anell del vescov.
La sed del vescov l'è de solit ciamada catedral, perchè gh'è la soa catedra, che la representa el so roeul 'me capo de la soa gesa particolar.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiquote el gh'ha dent citazzion de o su Vescov
Wikimedia Commons el gh'ha dent imagin o alter archivi su Vescov
