Veduda da la fenestra a Le Gras

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Veduda da la fenestra a Le Gras in d'ona reproduzion del 1952

Veduda da la fenestra a Le Gras a l'è ona immagin eliografega del 1826 (o fors 1827), e a l'è considerada la pussee veggia fotografia rivada fin al dì d'incoe. L'immagin a l'è stada fada su dal Nicéphore Niépce e la fà vedè on panorama veduu da la fenestra de la soa ca-laboratori a Le Gras, arent el paes de Saint-Loup-de-Varennes, in Borgogna. In del 2007 la ca indoe l'e "nassuda la fotografia" a l'è diventada on musee (Musée Maison Nicéphore Niépce).

In del 2003 el giornal Life el g'ha mettuu Veduda da la fenestra a Le Gras intra i 100 fotografii che gh’hann cambiaa el mond[1].

Travers ona camera scura, el Niépce el g'ha poduu ciappa su l'immagin sora un foeuj de stagn de 16,2×20,2 cm quattaa de bitumm de Giudea. El compost de bitumm espost a la lus el s'è indurii e quel rimast a l'ombria l'è staa trà via cont un messedozz de oli de lavanda e aquarasa.

Riferiment[Modifega | mudìfica 'l sorgènt]

  1. (EN) 100 Photographs that Changed the World by Life, The Digital Journalist. URL consultato il 29 agosto 2013.

Vos correlaa[Modifega | mudìfica 'l sorgènt]