Valentino Rossi

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Valentino Rossi (Ürbin, Italia, 16 Febròr 1979) l'è un pilòta motociclistich italian, pluricampion dal mund cun 9 tutuli mundial, 1 in Class 125, 1 in Class 250, 1 in Class 500 e 6 in MotoGP.

Cariera[Modifega | modifica 'l sorgent]

La Cagiva Mito SP uficial dal team Lucky Explorer 1993 guidada da Valentino Rossi e Vittoriano Guareschi
L'Aprilia RS 125 e 250 c'han fa vincc i mundial 125 e 250 a Valentino Rossi, espöst al sö fan club da Tavullia
Valentino Rossi cun la Honda in dal 2002
La Honda RC211V da Rossi in dal 2003
Rossi cun la Yamaha in dal 2005
Rossi cun la Yamaha in dal 2006
Rossi in dal 2009 al festegia la sua 100° vitoria in di GP
Valentino Rossi e Jorge Lorenzo cun i Yamaha in dal Gran Premi da Francia dal 2010
Rossi cun la Ducati in dal 2011
Valentino Rossi e Cal Crutchlow cun i Yamaha in dal Gran Premi da Francia dal 2013
Max Biaggi in dal 2007
Sete Gibernau cun la Honda in dal 2005
L'attris Martina Stella in dal 2007

I prim ann[Modifega | modifica 'l sorgent]

Al sa trasferis a Tavullia da piscinin e al cumincia a ciapà cunfidensa cun i mutur fin da bagajin, mustrand da subit ül sö talent. Al cumincia cui kart grasie al pà Graziano Rossi, che l'ha curs in dal motomundial in di ann setanta; al va püsé velucement in di minimoto e al ciapa la prima licensa cum'é pilota dal Moto Club da Cattolica, sudalizi piunier di gar di minimoto. A 13 ann al pröva per la prima völta l'Aprilia Futura 125, ma ül debut in dal campiunà Sport Production la fa in dal 1993 cun la Cagiva Mito 125. In dal 1994 al partecipa cuntempuraneament ai campiunà Sport Production e GP Italian. L'ann dopu al vincc ül campiunà italian da la class 125 e al sa clasifica ters in da l'europeo da la stèsa categuria. In dal 1996 al debuta in dal motomundial in class 125.

Class 125[Modifega | modifica 'l sorgent]

Aprilia (1996-1997)[Modifega | modifica 'l sorgent]

La stagiun 1996 dal Motomundial la sanciss l'esordi in dal campiunà dal mund da Valentino Rossi cal debüta in da la Class 125 in sèla a l'Aprilia. Dopu un quei prestasiun da riliev, al vincc la prima gara in dal Gran Premi da la Repüblica Ceca, a Brno, dopu aver cunquistà anca la sua prima pole position; al ciapà anca un ters pöst in Austria e al sara la stagiun al 9º pöst cun 111 punt. In dal 1997, Rossi al pasa dal Team AGV al Team Nastro Azzurro, semper in Aprilia e al vincc ül sö prim titul mundial cun 321 punt iridà. Al vincc cun 11 sucess in Malesia, Spagna, Italia, Francia, Ulanda, GP da Imola, Germania, Brasil, Gran Bretagna, GP da Catalogna e Indunesia, un secund pöst in Austria, un ters pöst in Repüblica Ceca e quater pole position. Terminada la stagiun, Rossi al va in Class 250.

Class 250[Modifega | modifica 'l sorgent]

Aprilia (1998-1999)[Modifega | modifica 'l sorgent]

Dal 1998, Rossi al curr in da la Class 250, in dal Team Nastro Azzurro, semper in Aprilia. Al finiss la stagiun al 2º pöst cun 201 punt, 23 in men da Loris Capirossi cal vincc ul Mundial; in dal curs da la stagiun al vincc 5 gar (Ulanda, GP da Imola, Catalogna, Australia e Argentina), tri secund post e un ters post. In dal 1999, l'é l'unich pilòta dal team uficial da Aprilia Grand Prix Racing, e al diventa Campiun dal Mund da la Class 250 cun 309 punt; al vincc 9 GP (Spagna, Italia, Catalogna, Gran Bretagna, Germania, Repüblica Ceca, Australia, Sudafrica e Brasil), 2 secund post, un ters post e 5 pole position.

Class 500[Modifega | modifica 'l sorgent]

Honda (2000-2001)[Modifega | modifica 'l sorgent]

Ül 2000 l'è l'ann del pasagg a la Class 500 e dal cambi da scuderia. Rossi al firma, ül cuntratt cun la Honda e al cunvincc la casa giapunesa ad avéé l'asistensa da Jeremy Burgess, espert cap tecnich. Anca ül sponsor principal, Nastro Azzurro, al va cun Rossi in da la növa aventüra. In da la stagiun d'esordi, al vincc 2 GP (Gran Bretagna e Brasil), 3 secund post 5 ters post. Al riva secund in dal Mundial cun 209 punt, da dréé a Kenny Roberts Junior. In dal 2001, l'ultima stagiun da la Class 500, prima da la sustitusiun cun la MotoGP, Rossi al vincc ül sò ters titul Mundial. Al vincc 11 GP (Giapun, Sudafrica, Spagna, Catalogna, Gran Bretagna, Repüblica Ceca, Purtugal, GP dal Pacific, Australia, Malesia e Brasil), un secund post, un ters post e 4 pole position, al sara la stagiun cun 325 punt. Semper in dal 2001, al sa cimenta in da la pröva pùséé impurtant dal Mundial Endurance per i cà giapunes, la 8 ür da Suzuka, e al vincc in cöpia cun l'american Colin Edwards.

MotoGP[Modifega | modifica 'l sorgent]

Honda (2002-2003)[Modifega | modifica 'l sorgent]

Ül Motomundial dal 2002 l'é stò ül prim da la növa MotoGP, caraterisada dai mutur a 4 temp da 990 cm³. Rossi, al guida la Honda RC211V a 5 cilindar, al vincc 11 GP (Giapun, Spagna, Francia, Italia, Catalogna, Ulanda, Gran Bretagna, Germania, Purtugal, Brasil e Australia), 4 secund post e 7 pole position. Cun 355 punt iridà, al vincc ül sò quart titul Mundial. In dal 2003 al vincc nuovament ül Mundial cun 357 punt, 9 GP vint (Giapun, Spagna, Italia, Repüblica Ceca, Purtugal, Brasil, Malesia, Australia e GP da Valencia), 5 secund post, 3 ters post e 9 pole position.

MotoGP[Modifega | modifica 'l sorgent]

Yamaha (2004-2010)[Modifega | modifica 'l sorgent]

In da la stagiun 2004, Rossi al pàsa da la Honda a la Yamaha, seguì da tucc gli element ciàv da la vègia squadra, cum'é ül cap tecnich australian Jeremy Burgess, cun Valentino Rossi gemò dal 2000 in Honda. Rossi al va in dal Team Yamaha Gauloises in scuderia cun Carlos Checa, e al vincc ül Mundial cun 304 punt, a 12 ann da distansa da l'ultim campiun cun v'una Yamaha: l'american Wayne Rainey. In dal 2004, Rossi al vincc 9 GP (Sudafrica, Italia, Catalogna, Ulanda, Gran Bretagna, Purtugal, Malesia, Australia e GP da Valencia), 2 secund post e 5 pole position. Anca in dal 2005, Rossi al vincc la cumpetisiün cun 367 punt, e al diventa campiun dal Mund cun 4 gar d'anticip, a Sepang, in Malesia ül 25 da Setembar. Al cunquista 11 vitöri in 17 gar (Spagna, Cina, Francia, Italia, Catalogna, Ulanda, Gran Bretagna, Germania, Repüblica Ceca, Qatar e Australia), 3 secund post e 2 ters post. In da la stagiun 2005, ül sò cumpagn da scuderia l'é stò l'american Colin Edwards, cal sarà insèma a Rossi fin al 2007. In dal 2006, la Yamaha la cambia sponsor e ül team da Rossi al sa ciama Team Yamaha Camel. In da l'ultima gara al perd ül prim post in clasifica, e ül Campiun dal Mund al diventa l'american Nicky Hayden in su la Honda. Rossi al riva secund e al vincc 5 gar: (Qatar, Italia, Catalogna, Germania e Malesia). In dal 2007 al sa clasifica al ters post final, da dré al Campiun dal Mund Casey Stoner cun la Ducati, e al pilòta da la Honda, Daniel Pedrosa. Al vincc 4 gar (Gp da Jerez, Italia, Ulanda, e Purtugal). In di qualifich dal'ultim GP a Valencia, Spagna, Rossi, al burlà giò da la moto e al sa prucura un trauma al la man destra. In dal 2008, la Yamaha la cunferma Rossi e ingagia ül spagnol Jorge Lorenzo, in dal team Team Yamaha Fiat. In dal Gran Premi da Francia, a Le Mans, al riva ai 90 vitori in cariera, al pari dal spagnol Angel Nieto. Al finiss la stagiun vincend ül sò utav titul Mundial in cariera e al vincc cun 373 punt e al riva prim in 8 GP (Italia, Catalogna, Gran Bretagna, San Marin, GP d'Indianapolis, Giapun, Australia e Malesia). In da la stagiun 2009, Rossi al vincc ül sò 100° GP, ad Assen in Ulanda e al termin da la stagiun, al vincc ül sò 9° Titul Mundial. Al vincc 6 GP (Italia, U.S.A., Repüblica Ceca, San Marin e Australia). La stagiun 2010 la cumincia cun v'una vitoria in Qatar, davanti al cumpagn da team Jorge Lorenzo e Andrea Dovizioso (cun la Honda), vitoria favurida anca da la caduda da Casey Stoner, che l'era al cumand da la gara. In Spagna al riva ters e in Francia segund. Ül 5 da Giugn, durant i prov dal Gran Premi d'Italia al Mugello, Valentino Rossi al burla giò da la moto a causa d'un high side, ripurtand la fratüra scumpösta ed espösta da tibia e perone, infurtuni cal ga fà subì un intervent chirurgich al CTO da Firenze. Ül riturn ai gar al riva in dal Gran Premi da Germania dal 18 da Luj al circuit dal Sachsenring e durant la sua cunvalescensa l'è stà sustituì dal culaudatur giapunes Wataru Yoshikawa. Rossi al termina la stagiun e i 6 ann in sèla alla Yamaha, al ters post dal Mundial, da dréé a Daniel Pedrosa e al Neo Campiun Jorge Lorenzo, Valentino Rossi al vincc comunque 2 gar (Qatar, Malesia).

MotoGP[Modifega | modifica 'l sorgent]

Ducati (2011-2012)[Modifega | modifica 'l sorgent]

In da la stagiun 2011, Rossi al firma per la Ducati, in team cun l'american Nicky Hayden, gemò cun lü anca in Honda. Cun la moto bulugnesa, Rossi a utegn no i risultati sperà e al termina la stagiun al 7º post cun 139 punt, per la prima völta mai vincitur d'un Gran Premi in una singula stagiun e ül Mundial al vegn vinciù da Casey Stoner cun la Honda. Ül 23 d'Utubar dal 2011, durant ül 2º gir dal Gran Premi da la Malesia, Rossi al resta cuinvolt insèma cun Colin Edwards in da l'incident cal pörta a la mort ül pilòta italian da la Honda, Marco Simoncelli, gara che dopu l'incident la vegn prima suspesa e dopu nulada. Ül dramatich incident l'ha particularment culpì ül pilòta da Tavullia, anca perché al gh'aveva un prufund ligam d'amicisia cun Simoncelli. In da la stagiune 2012, Rossi al riva al 6º post cun 163 punt e ül vincitur dal Mundial l'é Jorge Lorenzo cun la Yamaha. Vers la fin dal Campiunàà, l'ha rilasciò un'intervista sul bieni Ducati, definendul cum'é un erur in quant sensa resultà e per la stagiun dal 2013, Rossi al firma ancamò per la Yamaha.

MotoGP[Modifega | modifica 'l sorgent]

Yamaha (2013-)[Modifega | modifica 'l sorgent]

In da la stagiun 2013, Rossi al turna in Yamaha ancamò in team cun Jorge Lorenzo. Al riva 4° in da la clasifica final, e al vincc in Ulanda.

VR46 Racing Team[Modifega | modifica 'l sorgent]

Ktm (2014-)[Modifega | modifica 'l sorgent]

In da la Stagiun 2014, Rossi al crea ül sö team persunal Sky VR46 Racing Team cal cur in da la Moto3 cun i moto da la Ktm, ül pilòta pesares al resta a cur per la Yamaha in MotoGP. I moto in guidà da Romano Fenati e da Francesco Bagnaia.

Palmarès[Modifega | modifica 'l sorgent]

Rivalità[Modifega | modifica 'l sorgent]

Cun Max Biaggi[Modifega | modifica 'l sorgent]

Tra la fin di ann nuvanta e la metà dal dumila, i cumpetisiun dal Motomundial in stà caraterizàà da la rivalità spurtiva tra i 2 principal piloti italian: Valentino Rossi e Max Biaggi. La rivalità l'é cuminciada quand in dal 1997, in dal GP d'Italia, Rossi al vincc la gara da la Class 125: Rossi l'era solit festegià i vitori cun esibisiun e gesti guliardich in umagg ai tifus: in ca l'ucasiun Rossi al percur ül "gir d'unur" purtand cun lü su la moto v'una bambula gunfiabil cun sura via la scrita Claudia Skiffer (riferiment a la mudela tedesca Claudia Schiffer, ül nom l'é stò mudificà per evità di prublema giudisiari); in cal periud lì, Max Biaggi presumibilment al frequentava la mudela inglesa Naomi Campbell e ül gir da pista cun la bambula l'é stada una chiara alusiun iröniga al "divism" da Biaggi. Rossi in quei intervista al vegn paragunà a Max Biaggi, per via di sò triunf sui moto da 125cc inscì cum'é Biaggi al duminava da ann in da la Class 250. Quand un giurnalista l'ha dumandà a Rossi se al sa sentiva "ül Biaggi da la 125", Rossi al respund: «Mi ül Biaggi da la 125? Per mi l'é lü ül Rossi da la 250...» L'é un cuntinui inseguiment tra i 2: quand Rossi in dal 1998 al va in Class 250, Biaggi al va in Class 500. La rivalità la cuntinua a distansa fin al 2000, l'ann che entrambi i pilòti a garegian in dal stess Mundial, in Class 500. Biaggi in dal 2001 al vegniva da di stagiun cun poch success, atribuibil, a sò dì, in gran part a l'inadeguatèsa tecnica da la Yamaha, Rossi inveci, nunustant al fus arivà da poch ai moto da grand cilindrada e al cureva cun la Honda.

Cun Sete Gibernau[Modifega | modifica 'l sorgent]

Ül rival da Rossi in di stagiuni dal 2003 al 2004 l'è stà ül spagnol Sete Gibernau, in sela su la Honda Movistar dal Team Gresini. Inisialment eran abbastansa amìs in dal paddock e anca föra, ma ül raport al s'é interutt quand in dal 2004, la sera prima dal GP dal Qatar, la squadra da Rossi l'è stada penalisada perché l'ha "netà" la sua pusisiun in griglia per iutàs in da la trasiun, insèma al team Honda Pons da Max Biaggi, inscì entrambi i pilòti a vegnan custrett a partì dal fund da la griglia. Un cert numar da squader, tra i quali quela da Gibernau, e ül Team Honda Repsol, han fà apèl a la diresiun cursa perché Rossi al veniss sansiunà; Rossi e ül sò ingegner cap, Jeremy Burgess, han insistì che eran dré sulament a netà la griglia da partensa perché l'era spurca da sabia. Da alura, Rossi e Gibernau s'in parlò püü.

Vita Privada[Modifega | modifica 'l sorgent]

Valentino Rossi al s'é mai spusà. La sua prima fidansada famusa l'é stada l'attris Martina Stella, in dal 2002. Al g'ha avù di flirt cun Aura Rolenzetti, Maddalena Corvaglia, Elisabetta Canalis, Mandala Tayde, Florinda Giamé, Fernanda Lessa. L'é stò fidansò divers temp cun Arianna Matteuzzi (la tüsa d'un sö mecanich) e cun Marwa Klebi (v'una duturesa uriginaria da la Tunisia). L'ultima fiama la sa ciama Linda Morselli.

Galeria futugrafica[Modifega | modifica 'l sorgent]