Utent:Kibira
|
«Nò kibira, m’ se sé capìc nò, pròpe nò!
ma la wiki ha le sue regole e vanno rispettate... (non ho ancora capito come funziana però Come promesso ecco il mio j’accuse a Kibira. (in it così mi capisce bene e con lui anche i telespettatori fuori lmo).» |
(Aldedogn)
|
| |||
| |||
| |||
| |||
| |||
|
La Wikipedia lumbarda la gh'ha 74 476 articui, 145 582 pagin e 45 550 ütent registraa.
de solit a scrivi in taglian: Chì
... e per la veritaa a credi propi che un'enciclupedia la vaga scrivüda in taglian!
- però, tant per giügà...
02.10.2009
[Modifega | modifica 'l sorgent]A l'è un mes che frequenti la wikipedia in lumbard cun una certa asidüitaa. El mè inizi a l'è migna staa tant facil. 'dess mò prövi a fa un bilanciu dela sitüazion.
Mì quanta hoo 'mparaa a parlà, l'hoo faa in dialett. El dialett a l'è la mì parlada e quanta a disi quela parola chì, la disi cun urgoi, cumè quanta a parli di mee gent: i henn staa lur a insegnamm iscì. Adess vedi che tanti i preferisen duperà oltri nomm: variant del lumbard ucidental, cuma le ciamen i stüdius o insüber, nomm inventaa de sana pianta chisà de chì. Mì, la mì parlada, la ciami dialett: pudaresi migna ciamala oltrament.
A ses ann hoo 'ncumenciaa a 'ndà a scöla. Lì hoo 'mparaa anca el taglian. Dunca se el dialett in del parlà a l'è la mì lengua madri, in del scriv a l'è el taglian.
L'è staa lì dree ai vint ann che hoo vedüü che el dialett se po' anca scrivel. Eri cugnusüü i pueta lumbard: Porta, Tessa, Orelli, Loi, Grisoni, Mascheroni … e alura hoo 'ncumenciaa a scriv anca mì: l'era el mè pan. Puesia e dialett: el sit dela libertaa primitiva, cumè una segunda infanzia.
… scriv una enciclupdia in dialett? El me pareva un cuntrusens: l'enciclupedia la parla de geumetria e de l'infurmatega, de psicologia e de filusufia, cuma se fà a dì cüü robb chì in dialett, la bela parlada del sentiment e dela fantasia? Un'enciclupedia la vaa fada in taglian la fregia parlada dela scienza e dela logica!
Però puess vareva la pena pruà anca quela strada chì, puess var la pena daggh un'oltra pusibilitaa al mè dialett: d'altronde una lengua, cumè l'amur, se po' migna ligala cumè 'n salamm, besugna fala cress, fala viv!
L'è per quell che sü sura chì hoo scrivüü che una enciclupedia la và scrivüda in taglian, però hoo decidüü de acetà quela scumesa chì e de metess in giögh. E alura giüghemm!
Hoo migna truaa una bela acuglienza però. Intant che favi trii paroll in cunfidenza cun l'Insübrich, m'è scapaa fö che chì 'l me par un mesedozz. I m'henn sultaa 'doss: chi gh'è dumò gent che laura, che semm migna chi a giügà, che se un'enciclupedia la vaa fada in taglian cusa set rüaa chì a fà ..... che tarei, i henn gnanca bun de aprezà l'irunia!
La sarà anca l'ereditaa del pasaa, cuma diss el mè amis Ins, però per vün che 'l rüa da una wp gruseta, me pareva propi che gh'era un bell desurden, senza vurè dà giüdizi ai person, che i cugnusevi propi migna. Tant per cumencià a urizuntamm, hoo cercaa el purtal dela cumünitaa e me solta fö quell mesagg chi:Questa pagina è stata cancellata. L'elenco delle relative cancellazioni e degli spostamenti viene riportato di seguito per informazione, sacranon! cerchi la pagina de aiütt, vöida, cerchi i pagin de regulament, chisà in du i henn, voo a cercà in di categurì, anca cüi scategurizaa.
Cumè prima roba alura hoo cercaa de mett a post i categurì. Intant me capitava suta man pagin de netà: cerchi i template de mett e trövi dumò {{sbozz}} e {{scancelà}}. I hoo metüü sü in de 'na quai pagina che m'è capitaa. Anca süla pagina enigma ho metüü sü de scancelà: l'è staa el mè erur püsee gross, quela vus l'era fada l'amis de l'Aldedogn, el can dela wikipedia in lumbard!
El pütiferi che sultaa fö a l'è questu chì.