Wikipedia in lumbard

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


Ün vegg logo dela Wikipedia in lumbard.

La Wikipedia in lumbard a l'è l'edizion dela Wikipedia in lengua lumbarda (codes: lmo). Despess la vee ciamada anca lmo.wikipedia, lmo.wiki o lmo.wp.

El primm articul a l'è staa Lengua Lumbarda, scrivüü in del mes de utubra del 2005.
El primm ütent el s'è registraa in del mes de nuembra del 2005.

In del mes de setembra del 2009 a l'era al 101° post per nümer d'articui. In del mes de november del 2015 l'era al 92° post.[1]

Adess la gh'ha 39 156 articui, 101 160 paginn e 27 920 ütent registraa, 7 de lur i henn aministraduu.

L'edizion lumbarda a l'è minga una tradüzion: la magiur part di artucui i henn staa scrivüü propi da ütent che i parlen lumbard.
Dunca, anca se gh'è un certu riguard per el teritori e la cultüra lumbarda, se pò minga parlà de Wikipedia lumbarda o de Wikipedia Lumbardia: i 271 diferent edizion dela Wikipedia i henn urganizaa süla lengua e migna sü una teritori particular.
In Itàlia, insema ala Wikipedia in Lumbard e in Talian, a gh'è anca l'edizion in Piemuntes, in Ligür, in Veneto, in Friulan, in Emiglian e Runagnöö, in Napuletan, in Sicilian, in Tarantin, in Sardu. A gh'è anca l'edizion in Latin e in Esperant.

Nutazion[Modifega | mudìfica 'l sorgènt]

  1. http://meta.wikimedia.org/wiki/List_of_Wikipedias#10_000.2B_articles.