Tigri

Quell articol qì l'è scrivud in Lombard, cond l'ortografia Scriver Lombard.

Ol basin dei duu fium compagn del Medi Orient, ol Tigri e l'Eufrad.

Ol Tigri l'è vun dei duu fium plussee importants de l'Irak, insem a l'Eufrad.
Al nass sui montagne del Tauru, in Turqia (ind la rejon del Kurdistan), e al corr per 1.800 km incirca ind el desert de l'Irak infin a rivar a'l Golf Perseg cont un estuari in comun cont l'Eufrad, ciamad Shatt al Arab.
Insema cont l'Eufrad, q'al scorr un quai qilometer plussee in vers ocident, al delimita ol cœr del stat de l'Irak, ciamad, jamò dei temp andaits, Mesopotamia.
Ind el so percors al toca la citaa de Mosul, ind el nord de l'Irak. Bagdad, la soa capital e l'oltra granda citaa de l'Irak, Bassora, qe l'è bagnada del Shatt al Arab.

Ind la storia ol fium l'è semper stait important per tute i jent q'hann popolad l'Irak, jamò dei temp dei Sumer ; ol Tigri, insema a l'Eufrad, defait, al porta l'aqua dei montagne volte de la Turqia infin dent ind el cœr de una rejon intra i plussee colde e seqe del mond.
Ol fium a l'è defait sbarad ind un bell poo de ponts, propi per dar-g l'aqua a tute i zone circostante ; jamò dei temp anteg, quand qe i Sumer a popolaven la Mesopotamia, g'è stait costruid una red de canai de inrigazion.

Ol Tigri propi tacad a la citaa turca de Diyarbakir.

L'aqua del Tigri l'è preziosa ind el desert de l'Irak.