Elba

De Wikipedia
Va a: navegá, truvá
Ul basin imbrìfer

L'Elba (Cech: Labe; Tudesch: Elbe; Pulacch: Łaba; Suraab: Łobjo) a l'è un fiümm de l'Europa centrala; a l'è longh 1.091 km e al quata suta un basin de pressapoch 148.000 km². I sò surgent a hinn in dii Muntagn dii Gigaant, al cunfin nurdovest céch, a un altèzza de 1.400 m, da la cunflüenza dii dü turent Bílé Labé e Malé Labé. Dopu la surgent al va in direzziun sud, pö dopu al gira inver òvest e ammò nurdovest; in dii chilometer ca vegnen dopu, al ciapa l'acqua de trì aflüent: ul Jizera, la Muldava (Vltava) e l'Ohre.

L'Elba a Decín, in Céchia.

Dopu passaa ul cunfin Céchia-Germania al ciapa una direzziun nurdovest, c'al tegnarà fin a la fin, al bagna Dresda e Meissen e pö al ga va dent a la pianüra de la Germania setentriunala; chì al bagna, in fila, i citaa de Torgau, Wittenberg, Dessau, Magdeburgh, Wittenberge, Amburgh, Holstein primm de bütass dent in del Mar del Nord tacaa a Cuxhaven. In de chel tocch chì al riceff i fiümm Mulde, Saale, Elster Negher, Havel e Elde. L'Elba l'è culegaa, cunt una ret de canaj navigabil, a i pü grand zòn prudütif tudesch.

Quand a gh'era ammò la Germania Urientala, l'Elba al marcava per un tocch ul cunfin cunt la part òvest; quell lì l'è minga staa però l'ünich cunfin marcaa dal fiümm, vist che l'era anca ul limit uriental de l'impeer de Carlo Magn.



I grand fiümm del mund
Amu Darja | Amur | Arkansas | Brahmaputra | Colorado | Congo | Danübi | Dnepr | Dnestr | Elba | Eüfraa | Gange | Huang He | Indu | Irrawaddy | Irtysh | Jenisej | Kolyma | Lena | Lòira | Mackenzie | Madeira | Mekong | Mississippi | Missouri | Murray-Darling | Niger | Nilu | Ob | Oder | Ohio | Orange | Orinoco | Paraguay | Paranà | Pechora | Red River | Renu | Riu dii Amazzun | Riu Graand | Riu Negher | Ròdan | Salween | San Lureenz | São Francisco | Sèna | Syr Darja | Snake River | Tago | Tigri | Tocantins | Ural | Uruguay | Vìstula | Volga | Yangtze | Yukon | Zambezi |