Tigri

De Wikipedia
Va a: navegá, truvá
Ul basin dii dü fiümm cumpagn del Mediu Urieent, ul Tigri e l'Eüfraa.

Ul Tigri l'è vüün dii dü fiümm impurtaant de l'Irak, insemm a l'Eüfraa.
Al nass in dii muntàgn del Tauru, in Türchìa (in dela regjun del Kurdistan), e al curr per 1.800 km circa in del desèrt de l'Irak fin a rivà al Guulf Pèrsich cunt un estüari in cumün cunt l'Eüfraa, cjamaa Shatt al Arab.
Insema cunt l'Eüfraa, c'al scurr un quaj chilometer püssee inver uçideent, al delimita ul cöör del staat de l'Irak, cjamaa, fin daj teemp andaa, Mesuputamia.
In del sò percuurs al tuca la citaa de Mosul, in del nòort de l'Irak, Baghdad, capital de l'Irak e l'oltra granda citaa de l'Irak, Bassora, ca l'è bagnada dal Shatt al Arab.

Ul fiümm l'è semper staa impurtaant, in dela stòria, per tütt i geent c'an pupulaa l'Irak fin daj teemp dii Sümeer; ul Tigri, insema a l'Eüfraa, defatt, al porta l'acqua dii vòolt muntagn de la Türchìa fin deent in del cöör de una regjun tra i püssee còolt e sèch in del muunt.
Ul fiümm a l'è defatt sbaraa in 'un bel pu' de püünt, propi per dach l'acqua a tütt i zòn circustaant; fin daj teemp antich, quand i Sümeer a pupulaven la Mesuputamia, l'è stada custrüida una reet de canal de irigazziun.




Ul Tigri propi tacaa a la citaa türca de Diyarbakir.
L'acqua del Tigri l'è prezziusa in del desert de l'Irak.



I grand fiümm del mund
Amu Darja | Amur | Arkansas | Brahmaputra | Colorado | Congo | Danübi | Dnepr | Dnestr | Elba | Eüfraa | Gange | Huang He | Indu | Irrawaddy | Irtysh | Jenisej | Kolyma | Lena | Lòira | Mackenzie | Madeira | Mekong | Mississippi | Missouri | Murray-Darling | Niger | Nilu | Ob | Oder | Ohio | Orange | Orinoco | Paraguay | Paranà | Pechora | Red River | Renu | Riu dii Amazzun | Riu Graand | Riu Negher | Ròdan | Salween | San Lureenz | São Francisco | Sèna | Syr Darja | Snake River | Tago | Tigri | Tocantins | Ural | Uruguay | Vìstula | Volga | Yangtze | Yukon | Zambezi |