Telescopi

De Wikipedia
Lumbard ucidental Quest articol chì l'è scrivuu in lombard, grafia milanesa.
On telescopi in del Musee de la scienza e de la tecnologia de Milan.

El telescopi a l'è on strument che'l ciappa sù la lus o i olter radiazion elettromagnetegh che i vegnen da on ogett lontan e, travers on sistema de spegg e lent, i riuniss in d'on punt ciamaa foeugh per fà vegni foeura on immagin sgrandida de l'ogett. I primm esempi de telescopi hinn staa faa in Olanda in del principi del Sécul XVII cont on sistema de lent de veder.

El telescopi a l'è drovaa principlament in de l'astronomia, ma anca per un quaj applicazion terrester.

Nonostant che el termin telescopi l'è drovaa per indicà el telescopi ottich o riflettor, che'l lavora cont i frequenz de la lus visibil, gh'hinn anca telescopi che i sont sensibil a tucc i olter frequenz del spetter elettromagnetegh.

El termin telescopi el vegn sù di paroll grech τηλε (tēle, che 'l voeur di "lontan") e σκοπεῖν (skopein che 'l voeur di "vardà") cont el significaa de "vardà lontan", e l'è on neologism creaa dal matemategh grech Giovanni Demisiani (in grech Ἰωάννης Δημησιάνος) in del 14 de april del 1611 intant che'l gh'era on banchett in onor del Galileo Galilei per la soa nomina 'me member de l'Accademia dei Lincei.

Vos correlaa[Modifega | modifica 'l sorgent]