Lenta (ottica)

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Ona lenta bi-bombé

Ona lenta [1] o lent a l'è on strument ottich che'l g'ha la proprietà de modifegà el percors de la lus, pussee precisament de concentrà o voltà i ragg luminos grazie a on process de diffrazion cont el qual la pò inscì reprodù di immagin reai o artificiai di oggett. Ona lenta la pò vess drovaa singola o insemma a olter lent faa sù in d'istessa assa. I lent poden vess faa de veder o plastega trasparent, ma anca in materiai organech o in d'on quaj metal 'me el germànio.

Gh'è anca di olter dispositiv compagn, ciamaa anca lor lent, che i lavoren in su olter bande de l'ombra elettromagnetega.

Al dì d'incoe i lent sont drovaa principalment in de la fabbricazion d'i aparecc ottich 'me i telescopi, i microscopi, i cannociai, i macchine fotografeghe, i videocamere e per la correzion d'i difett de vista travers i ogiai e i lent a contatt.

Tipologij di lent[Mudifega | mudìfica 'l sorgènt]

La tipologia pussee comun de lent l'è quella di lent rotond, caratterizzada da l'avegh tucc i duu superfis cont on ragg de curvadura R1 e R2, indoe R1 la determina la superfis de la lenta: se R1 a l'è positiv la lenta la sarà bombé, se negativ la sarà incavaa e se infinii la sarà piana.

L'istess l'è inscì anca per la superfis opposta de la lenta, ma cont i segn a l'incontrari.

Vari tipologij di lent


I lent sont classificaa in bas a la curvadura d'i duu superfis, ciamade diotter:

  • bi-bombé o anca bombé se tucc e duu sont bombé,
  • bi-incavaa o incavaa se tucc e duu sont incavaa,
  • pian-bombé se vuna l'è piatta e l'oltra l'è bombé,
  • pian-incavaa se vuna l'è piatta e l'oltra l'è incavaa,
  • incavaa-bombé se i sont vuna incavaa e l'oltra bombé.

In de l'ultem cas, se i duu superfis g'hann l'istess ragg la lenta la se definiss menisch, anca se el termin l'è anca drovaa per ona lenta incavaa-bombé normal.

Riferiment[Mudifega | mudìfica 'l sorgènt]

  1. F. Angiolini, Vocabolario milanese-italiano, con segni per la pronuncia, Ditta G.B. Paratia e Comp., 1897, pp. 432.

Vos correlaa[Mudifega | mudìfica 'l sorgènt]