Stema de Monça

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Stema de Monça
Monza CoA historical.svg
Blasonadura
D'arjent a la luna de ross qe la cress al barboss

Ol stema storeg de Monça l'è un scud d'arjent cond una luna rossa.

Stema ofiçal de l'aministrazion comunala[Modifega | mudìfica 'l sorgènt]

Ol stema ofiçal del Comun de Monça l'è: d'azœr, a la Corona Ferrea con sora una crox greca; ol tut circondad d'una fassa d'arjent cond el mot EST SEDES ITALIAE REGNI MODOETIA MAGNI. Ornaments esterior de citaa.

Storia[Modifega | mudìfica 'l sorgènt]

La Luna[Modifega | mudìfica 'l sorgènt]

Ol stema plu antig de Monça l'era una luna rossa in camp bianc, e al g'ha i so orijin ind el Medioev. L'è probabel qe i fœss dei simboi del poder imperial (luna rossa) rifless in qell papal (sol bianc), qe a'l temp i era i do poder universai.
L'ultema version restaita del stema l'è ind el Codex dei Statuts de la comunitaa de Monça, conservad ind la Bibliotega Capitolara del Dom de Monça. Una volta l'era present anc sul balcon de l'Arengari, ma l'è stait tirad vià ind i agn de la Republega Cisalpina.
Ol simbol l'è segnad anc in do stemari: vun del 1496 ind la Bibliotega Trivulziana de Milan (n. 1390), e l'oltr ind el volum Galleria dei imprese e arme e insegne viscontee, del 1637, conservad ind el Arqivi de Stat de Milan. G'è un bassrilev de la Luna ind una cà in via Lamber (ciamada per qest Cà de la Luna), ma l'è una roba del '800.

La Corona Ferrea[Modifega | mudìfica 'l sorgènt]

Ol stema d'incœ, segond dei ipotesi, al g'havress orijen de l'imperador Oton III, qe l'havress donad a la citaa ind el 996 (ann de la so incoronazion a Monça) ol simbol (o adoma l'esameter)[1] come sijill.[2] L'è stait recognossid in manera ofiçala ol 6 de maj del 1835 de l'imperador Ferdinand I d'Austria, cond un scud oval; ind el 1933 l'è stait confermad con Real Decret, cond el scud sanitig. Ind el 2003 l'è stait ridisegnad per vesser ingual in tuts i ats del Comun.
I simboi in sul stema i è: la Crox de Berengari (o del Regn) e la Corona Ferrea.

Galleria d'imajin[Modifega | mudìfica 'l sorgènt]

Riferiments[Modifega | mudìfica 'l sorgènt]

  1. (IT) Strategia per il progetto di restyling del Marchio cittadino
  2. (IT) Memorie storiche della città di Monza - paj. 133
  3. (IT) Memorie storiche della città di Monza - paj. 132