Stema de Cremona

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Stema de Cremona
Blasonadura
Fassad de ross e d'arjent

Ol stema storeg de Cremona l'è un scud fassad de ross e d'arjent.

Stema ofiçal de l'aministrazion comunala[Modifega | modifica 'l sorgent]

Ol stema ofiçal del Cumun de Cremona l'è partid: ol prim fassad de ross e d'arjent; ol segond d'azœr al braç vestid de ross e d'arjent qe al strens ind la man una balla d'or. Sora tœt una corona jemada a cinq fioron. [1]

Storia[Modifega | modifica 'l sorgent]

Ol plœ antig stema cremones cognossid l'è una crox d'arjent in camp ross (simbol di citaa filo imperiale) ind la fin del XIII secol. Ind el secol dopo l'è jamò deventad un fassad ross sœ camp d'arjent; ind un codex del 1478 l'è segnad come fassad de ross e d'arjent.

Ol braç qe al tegn la balla d'or al vegn da una lejenda popolara con un fond storeg: Cremona, quand a l'era sota ol poder del Sacro Roman Impero, la g'hiva de dar a l'imperador ogne ann come tribut una balla d'or massess de 3 kg. Stœfa de la situazion, la citaa l'ha lançad una sfida: Janen de la Balla (in italian Giovanni Baldesio),[2] gonfalonier de la citaa, l'ha sfidad a duell Enric IV, s-ciet de l'imperador, e in cas de vitoria la citaa l'avress plœ pagad ol tribut. L'è indaita insé e Cremona l'è deventada un liber cumun.

Ol simbol del braç al g'è jamò ind el '300, ma for del stema, come cimier. E l'è restait insé fina al prencepe del XIX secol, quand l'è stait inserid (per un error araldeg)[3] come partid ind el scud, ma sœ sfondo neger e mìa azœr come al dé d'incœ.

Galleria d'imajin[Modifega | modifica 'l sorgent]

Bibliografia[Modifega | modifica 'l sorgent]

Riferiments[Modifega | modifica 'l sorgent]

  1. Stemma di Cremona - comuni-italiani.it
  2. (IT) "Tutto deriva da una leggenda popolare, quella di Zanen de la Bala, o, in forma più aulica, Giovanni Baldesio" Arqiviad qé: [1]
  3. (IT) "L'inserimento del braccio sullo stemma cittadino fasciato è grave errore araldico."