Stema de Crema
|
Quell articol qì l'è scrivud in Lombard, cond l'ortografia Scriver Lombard. |
| Stema de Crema |
|---|
|
| Blasonadura |
| D'arjent a'l cap de ross |
Ol stema storeg de Crema l'è un scud d'arjent cond el cap de ross.
Stema ofiçal de l'aministrazion comunala
[Modifega | modifica 'l sorgent]Ol stema ofiçal del Comun de Crema l'è ol stemma storeg con sora una corona marqionala, cimada de un elm cond un braç (dreit) armad metid intra duu corn de cerv, qe al tegn una spada d'arjent, cond l'elsa d'or, qe l'è dree a taiar l'ultem grop del corn manzin. Ol scud l'è circondad de duu ram de rover e de lavor ingropid d'un bindel cond i color del scud.[1]
Storia
[Modifega | modifica 'l sorgent]Dop de la distruzion per man del Barbarossa e dei so liads ind el assede del 1159, la ricostruzion de la citaa l'è staita proibida con decret imperial fina a la fraca de l'imperador contra la Liga Lombarda. Ol 7 de maj del 1185, a la cerimonia per ol començar dei lavor, g'è anc l'imperador e ol so jender, Guglielm V del Montferrad, qe al dona a la citaa i so insegne (qelle de la fameia dei Alerameg), d'arjent a'l cap de ross.[2]
Ol 28 de marz del 1797 i trupe francese i fa ol so ingress in citaa, e per circa tri mis (fina a la creazion de la Republica Cisalpina, ol 9 de lœi del 1797) la citaa l'ha costituid la Republega Cremasca. Ol stema l'era a bande d'or e d'arjent.[3][4]
A l'incoronazion del Francesc I cond la Corona Ferrea a Monza (ol 6 de setember del 1838) g'è anc l'Arald de la Regia Citaa de Crema. In su l'uniforma g'è ol stema citadin ind el Regn Lombard-Venet: ol braç e i corn i è denter a'l scud (ind la part rossa), qe g'ha sora una corona marqionala tegnida de l'Agola Bicefala.[5][6]
Galleria d'imajin
[Modifega | modifica 'l sorgent]-
Stema dei Alerameg, storeg Scior del Montferrad. -
Ol stema sul Torraz. -
Ol stema de la Republega Cremasca. -
Ol stema ofiçal a'l dé d'incœ.
-Stemma.png){kind=small}
Riferiments
[Modifega | modifica 'l sorgent]- ↑ (IT) Stemma di Crema - comuni-italiani.it
- ↑ (IT) La storia | Comune di Crema
- ↑ (IT) Historia et imago Cremae. 28 marzo 1797, i cento giorni di vita della Repubblica di Crema. Storie ed aneddoti
- ↑ (IT) Gli stemmi delle dominazioni di Crema - Gruppo Culturale l'Araldo di Crema
- ↑ (IT) La nota araldica - Gruppo Culturale l'Araldo di Crema
- ↑ (IT) Museo di Crema e del Cremasco. La sezione di storia: opere e testimonianze dal dominio veneziano alle Guerre mondiali