Sotana (cler)

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Un arcivescov con la sotana bianca

La sotana (o vesta talar, del latin taleus o ben tallon, perchè la vesta di sacerdot sgiudee la rivava lilinscì) a l'è 'na vesta che se meten i religios catolegh, ortodoss, anglican, luteran, i minister ordenad di gese presbiteriane e reformade e i pret de 'na quaj gesa ortodossa oriental. La vegn de la tonega di antigh roman e a partì del secol quell de vint a l'è doperada, soratut a Ocident, squasi domà 'me vestid per la messa o comunque per i ocasion religiose, in la vita de tucc i di se meten el clergyman cont el volzacoll.

Per gesa[Modifega | modifica 'l sorgent]

Gesa catolega[Modifega | modifica 'l sorgent]

In la Gesa catolega, de solit, a l'è negra, ma in di pais cald la po vesser bianca. I boton, che de solit inn 33 per regordà i agn del Cristo, e i cusidure marchen la carega inscì:

La po vesser fada pussee sciora con la fascia e la mozzeta, oltra che cont i parament de la vesta coral. El Papa el se met semper una vesta bianca, menter i cardenai ghe l'hann rossa, domà in d'una quaj important ocasion liturgega.

Papa Papa emerit Cardinal Vescov Monsignor Pret, Seminarista

Gesa anglicana[Modifega | modifica 'l sorgent]

In la Gesa anglicana de solit i boton a inn 39, a marcà i trentanoeuv articoi, ma el color pussee spantegad a l'è comunque el negher, magara con di color pussee in di bord, anca se i vesch poden metéla vioeula e i canonegh rossa o anca di alter color. Tra l'alter, in la pupart di gese anglicane, anca i laich poden metés la sotana, quand che lensgen la Bibia.

Vescov Canonegh (el color el po varià) Pret, Diacon, Seminarista, Laich

Gesa ortodossa[Modifega | modifica 'l sorgent]

In la Gesa ortodossa, ma anca in quella catolega de rit oriental, la gh'è sia la sotana che la se met sota che quella che la se met sora, e de solet se meten tute e du. Rispet a quella di rit ocidentai a l'è pussee granda e pussee libera in sul corp, tant de parè pussee una tunega.

Vescov Pret con Zostikon,
Kontorasson, e Skufia.
Pret (maridad) Ieromonegh (pret minga maridad) Monegh Sot-diacon/Diacon

Gese ortodosse orientai[Modifega | modifica 'l sorgent]

In del cristianesim ortodoss oriental el ross l'è doperad di patriarca.

Patriarca siriach Vescov siriach Pret copto Pret siriach Pret copto e siriach
(monegh)

Protestant[Modifega | modifica 'l sorgent]

I varie confession protestante che doperen la sotana, de solit, la doperen assee piana e negra. In del mond germanigh i prelad pussee in alt, despess, se meten anca la goriglia insema a la sotana, 'me parament.

Vesch Pastor de la Norvegia Pastor

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]