Scarpinocc

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Scarpinocc
Origen
Pòst d'origenItalia Italia
RegionLombardia
Area de produzionPar, provinscia de Berghem
Dettaj
Categoriaprimm piatt
ReconossimentP.A.T.
Settorpasta
 

I scarpinocc i è un mangià tipegh del pais de Par in provincia de Berghem. L'è compagn del casoncell[1] del pien "magher" indova che la gh'è mìa carna ma domà formai, oeuv, boeuter, pan gratad e spezzie. Ol nom scarpinocc al vegn de la forma del casoncell con le tradizzionai scarpe drovade in di temp antigh di abitancc del pais de Par, fade su di fomne[2].

Preparazzion[Modifega | modifica 'l sorgent]

I scarpinocc, consideracc de semper un mangià de scior, per feste e i matrimoni, vegnen preparacc con la lavorazzion de farina bianca e aigua tiepida e ross d'oeuv; la pasta moresina, la vegn spantegada e tajada a dischecc con l'ajoeut de un bicer. La particolarità a l'è in del pien magher[3], che al voeul nissun tip de carna, ma pan gratad, formai gratad, oeuv, boeuter e un poo de ughet[4]. I dischecc cont ol pien vegnen sarracc su e cont ol did la se lassa l'impronta al center, vegnen coeusucc in aigua salada. Una voeulta vegneven metucc in d'una baslota de ram, adess in terra cocia o ceramega, consciacc con sossen formai e buter coeusud con foje d'erba salvia[5].

Del 1955 la gh'è ogne ann a Par la sagra di Scarpinocc ol terz fin de setimana de avost[6], organizada de la Pro Loco Par, indova che l'è el se poeul provà ol mangià tradizzional.

Bibliografia[Modifega | modifica 'l sorgent]

  • Renata Carissoni Cossali, in Loco de Par, Litografia novecento grafico di Bergamo, 1999.
  • Disciplinare di produzione, Camera Commercio di Bergamo. URL consultad: 29 Novembre 2017.

Note[Modifega | modifica 'l sorgent]

  1. Carissoni.
  2. Carissoni.
  3. (IT) Scarpinòcc de Par. URL consultad in data 29 Novembre 2017.
  4. Silvia Tropea Montagnosi. (IT) Scarpinòcc. URL consultad in data 29 Novembre 2017.
  5. Carissoni, p-220.
  6. (IT) Sagra degli Scarpinocc 2017. URL consultad in data 29 Novembre 2017(arqiviad de l'url orijenal in data 16 luglio 2016)

Vos conrelade[Modifega | modifica 'l sorgent]

Alter proget[Modifega | modifica 'l sorgent]