Casoncei

De Wikipedia
Sata a-a navegassion Sata a-a serchia
Lombard Quell articol qì l'è scrivud in Lombard, cond l'ortografia Scriver Lombard.
Casoncei
Casoncelli in una grande padella.jpg
Origen
Pòst d'origenItalia Italia
RegionLombardia
Dettaj
Categoriaprimm piatt
ReconossimentP.A.T.
Settorpasta
 

I casoncei[1] i è un mangiar tipeg de Bergem e Bressa.

A l'è un tipo de pasta impienida qe a l'è spantegada in tante variants locai, ma con dei ingredients de bas comun a tœte: ol pien l'è costituid da carn, grana padan gratad e erbe aromatege, con la pasta qe la g'ha una tipega forma a meza luna. Ol tœt conciad con grana padan gratad, bœter, panceta e salvia.

Casoncei a la Bergamasca [2][Modifega | modifica 'l sorgent]

Mangiar tipeg de la bergamasca:

  • Pasta: farina, sal, aigua (variants anca cont ol lait).
  • Pien: pan, parmijan, carn de manz e porcell, pedersem, uveta, scorza de limon, amarets
  • Forma: a circol ripiegad, con pasta media-grossa.

Ind la Vall Gandin i è ciamads [kaɾonˈsɛj].

Ol pien al conferiss ai Casoncei un savor lejerment dolç, carateristega tipega del panorama culinari medioeval e rinassimental ind ol quale i hann orijin; una documentazion certa attesta la lor esistenza jamò ind ol 1386. Sota 'l domini venezian ol pien al ciapa denter nœve spezie, amarets e ingredients de orijin de lonj. La ricetta de incœ a l'è ol consolidament de la version votcentesca. In Vall Gandino e in volta Vall Seriana i vegnen ciamads Caronséi (patnonziads [kaɾonˈsɛj]).

Casoncei de la Bressana [3][Modifega | modifica 'l sorgent]

Mangiar tipeg de la Bassa bressana:

  • Pasta: farina, œv, sal, aigua.
  • Pien: pan, parmijan o grana padan, ail, nox moscada, brod, pedersem, sal.
  • Forma: de bon bon, barbel, quadrad, triangol.

Tipeg i è i casoncei de Barbariga e Longena, produxids dent ind el territori comunal de qests do pais de la bassa bressana. Del 2004 i Casoncei de Barbariga e Longena i ha ciapads la De.C.O.

Casoncei de la Vall Camonega[4][Modifega | modifica 'l sorgent]

Qei de la Vall Camonega i è considerads la variant plœ "tipega" dei casonsei.

Ogne pais al g'ha un pien divers. I plœ cognossids i è qei:

  • de Bren, ciamads Caicc ([kaˈitʃ])
  • de (BS) e Loz (BS), parnonzia locala [kazon'sej]
  • de la bassa vall, parnonzia locala [kaðonˈhej]
  • de la volta vall, ciamads Calzon; pien de pom de terra, formai e carn a Villa Dalegn, erbe e codegin a Pez e de salam, verz, pom de terra a Zoan.

I ricete i cambia po de pais e pais, e ogne fameia la la modifega segond i so variazion.

Riferiments[Modifega | modifica 'l sorgent]

  1. (IT)Disciplinare di produzione dei casonsèi. URL consultato in data 29 Novembre 2017.
  2. (IT) (IT) Casoncelli alla Bergamasca. URL consultato in data 29 Novembre 2017.
  3. (IT)(IT) Casoncelli alla bresciana. URL consultato in data 29 Novembre 2017.
  4. (IT)(IT) Ricetta Casoncelli della Valcamonica. 3 Gennaio 2016. URL consultato in data 29 Novembre 2017.

Vox conrelade[Modifega | modifica 'l sorgent]