Sistema Beveridge
El sistema Beveridge a l'è 'n sistema sanitari indova che 'l Stat el proved a fornì la sanità ai cittadin per mezz di tass. El modell, ispiraa al rapport Beveridge, l'è staa implementaa del governo laburista britannegh ma, a differenza di indicazion del William Beveridge, l'è staa implementaa a nivell centralizzaa e minga local.
In 'sto sistema la pupart di ospedaa e di medegh la dipend del governo e i privaa che gh'è dent operen ai midemm condizion del publegh e 'l gh'è minga 'n specifegh contribuu de pagà per acced a la sanità, che l'è 'n dirizz daa de la cittadinanza.
A differenza del sistema Bismarck, che 'l nass 'me sistema che 'l liga la sanità al lavorà, el Beveridge 'l enfatizza el drizz a la salut 'me dirizz uman incondizionaa. Ma el gh'ha anca i sò difett, per esempi i sistema Beveridge tenden a avègh di temp de attesa pussee longh e pussee hinn gestii a nivell centralizzaa men de qualità gh'hann.
Pajes cont el sistema Beveridge centralizzaa a hinn el Regn Unii, regionalizzaa l'Italia, la Norvegia e la Spagna e decentraa la Svezia e la Finlandia.