Sala proeuve musical
|
Quest articol chì l'è scrivud in lombard, con la Noeuva Ortografia Lombarda |
Una sala proeuve musical a l’è ona stanza dedicada a fàgh musega de denter. Una sala proeuve professional a l’è un ambient isolad del pont de vista acustich, progettad conforma al sò obietiv, de manera de tegnì denter el son e fàll minga sortì. In la sala proeuve se poden fà i proeuve ma se pò anca doprà la sala 'me un studi de registrazzion. I sale proeuve musicai a inn uneghe intuitù di carateristiche second i sò utent, de la soa posizzion e de l’edifizzi indove ch ‘a inn stade metude e svilupade in del cors di agn. I sal proeuv servissen per i musicista del sit e, per fà in manera de vesser facil de rivàgh de solit a se troeuven in di zone de cità. A gh'è poeu on frach d'alter post doperad di musicista, di grup e di band per provà, compres di stanze improvisade in di aree comune come i sale o i center comunitari.
Importanza per i musicista del spazzi de fà i proeuve[Modifega | modifica 'l sorgent]
On spazzi dedicad ai proeuve musicai el ghe da ai musicista on sit indove che poden mijorà a sonà insema, componner, e mijorà i so abilità musicai. Di proeuve regolar fann in manera che i musicista poden perfezzionà la soa musega inanz de insubiss denanz d’un publich. On bon spazzi el permet e ‘l favoriss el process de la creazzion musical. El gh’avariss de jutà i musicista a vesser comod, favorì la soa libertà de espression e a bon cunt vesser on loeugh considerad di utent 'me un post sicur per tirà foeura i idee. Anca la praticabilità l’è on fattor important desgià che i istrument e i atrezzadure musicai poden vesser ingombrante e pesante.
Minga semper i musicista poden provà e paregiàss ai spetacoi in del l'istess post indove che stann de cà. A l’è inscì perchè el spazzi el gh’ha de tegnìss a di specifich requisid. De fat el volum alt el gh’ha de vesser soportad di proprietari, di vesin e de la struttura fisica de l’edifizzi. Questi particolar requisid del spazzi a inn minga sodisfad de la pupart di sit residenziai e commerciai. Ancaben a poden vessegh tanti spazzi commerciai disponibil, l’isolament acustich e ‘l trattament acustich poden vesser car, e comportà el bisogn de conoscenze tecniche che despess la persona comuna la gh'ha nò. Per via di requisid particolar del spazzi, el mercad di sale proeuve l’è restad on mercad de nicia specializad che l’è stad impienid de aziende che gestissen i sale proeuve.
El spazzi l’influenza la qualità e la resa de la musega. In d'on quai cas di ambient piscinit a inn minga ideai per i proeuve di grup. Per via de la grandezza limitada d'ona quai sale proeuve, la capacità artistica di musicista che interagissen infra de lor la podarìss andà perduda.
Per podé esercità el mester de la sala proeuve, a gh'è besogn d'una serie de competenze, compres el savè fà a organizzà l’azienda, la conoscenza di atrezadure musicai, el manegg del spazzi e del personal e anca di robe de lesg.
Sale proeuve comerciai[Modifega | modifica 'l sorgent]
De spess i struture per i proeuve, offrissen di atrezadure de alta qualità e di competenze al servizzi di musicista professionai e di amador che se paregen per i concert e i registrazzion. De spess I sale proeuve, fiten i so spazzi a ore, session, o a dì, e fornissen anca di alter servizzi compagn del noll di istrument e di atrezadure. De solit i sale proeuve comerciai, gh’hann di orari flessibel de avertura perchè a gh'è di musicista che preferissen de provà in del fin de setimana e a la sera tarda.