Materiaj fònoisolant

Quest articol chì l'è scrivuu in lombard, grafia milanesa.

I materiàj fònoisolant hinn di materiàj bon re realizzà l’isolamént acustich. A gh'è de ricordà ch 'el concètt de isolàment acustich, l’è divèrs de quèll de assorbiment acustich de già che l’insolamènt acustich a l’è el lassà passà nò el son ma senza surbìll, a differenza de l’assorbimént acustich. L’isolament acustich el ghe va adrée a la leg de la massa che la dìss che compù la massa del materiàl l’è alta, compù l’isolament acustich l’è fòrt .

Per savenn pussee, varda l'articol Leg de la massa.

Tuttamanch al fin de fa diventà nò tròpp pesànt i mur, in edilizia el fònoisolamént (che 'l sarìss pussèe giust per quèst a ciamàll insonorizzazion) el ven despèss ottegnùu cont el mètt insèma di materiàj fònoisolant con di materiaj fònoassorbent.

I materiaj fònoisolant pussee dopraa

Piomb

El piomb el ven dopràa perché l’è assosènn pesànt e de sorapù el pò facilmént vèss piegàa. El ven dopraàa in forma de foeuj o de laster facìl de trovà.

Gòmma natural

La gòmma naturàl trada foeura de la scòrza de cèrti piant l’è molto densa, tanta de vèss ‘n’alternativa ecològica inscambi del piomb.

Oltra a sti du chì, in edilizia a gh’hinn di materìaj convenzionàj: i quadrèj de laterizzi e terracotta, i quadrèj de ciment, soree in laterocimént, wl ciment armaa,el cartongèss, pannèj de alumini, i veder semplizi o stratificaa con o senza spazzi de mèzz.

Vos correlad

• Leg de la massa
• Isolament acustich
• Assorbiment acustich
• Progettazion acustica di ambient
• Acustica
• Relazion del Goesele
• Materiaj fònoassorbent