Robert de Vaugondy
|
Quest articol chì l'è scrivud in lombard, con la Noeuva Ortografia Lombarda |
El Gilles Robert de Vaugondy (1688-1766), cognossud anca comè Le Sieur o Monsieur Robert, e 'l so fioeul, el Didier Robert de Vaugonday (c.1723-1786) inn stad di cartograf frances, i pussee important de la soa banda in del XVIII secol.
Biografia
[Modifega | modifica 'l sorgent]
In del 1757, Gilles e Didier Robert De Vaugondy hann dad foeura Le Atlas Universel, vun di atlant pussee important del XVIII secol. Per fà l'atlant, i Vaugondys hann mitud insema di font pussee vegge con di mape pussee moderne. Hann verifegad e sistemad la latituden e la longituden de tante mape regionai in de l'atlant cont i osservazzion astronomeghe. El material vegg l'è stad dissegnad ancamò e gh'hann mitud dent un frach de sit noeuv. In del 1760, el Didier Robert de Vaugondy l'è stad nomnad geograf del Re Luis XV.
El Gilles e 'l Didier Robert De Vaugondy i hann lavorad insema, 'me pader e fioeul, per fà glob de varie dimension, ch'eren fàcc col a tacà insema di plache stampade de ram in copra in de 'n center de carta, un process compless e che 'l costa, che 'l gh'haveva besogn de pussee specialista. In d'un quaj cas a l'è minga segur se una mapa l'è del pader o del fioeul.
I Robert de Vaugondys vegnen de la fameja Nicolas Sanson a travers del nevod Pierre Moulard-Sanson. De lu hann ereditad la pupart del so materal cartografegh, che hann mitud insema per fà i so lavorà, insema a di font del Dépôt de la Marine, doperade soratut per i mape del Canadà e de l'America del Sud.
Tant 'me che per l'Ortelius e 'l Mercator, i Vaugondy hann tirad a man i so font, roba che l'ha dad una gran man al studi de la cartografia del period.
Riferiment
[Modifega | modifica 'l sorgent]- Robert de Vaugondy, Gilles. MapHist.com. Recuveraa el 2007-07-26.
- Vaugondy, Gilles Robert de. MapHist.com. Recuveraa el 2007-07-26.
- The Vaugondy Hanging Globe by Authentic Models. OnlyGlobes.com. Recuveraa el 2007-07-26.