Latitudin

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.

La latitudin l'è la coordinada jeografega qe la corespond a la volteza del pol celest su l'orizont ; l'è daita del angol intra la vertegal d'un pont in su la superfix de la Terra e ol pian equatorial de la Terra. Comè la lonjitudin, l'è misurada in grads, e la va de 0° (Equador) a 90°N (Pol Nord e de 0° a 90°S (Pol Sud).

Duu ponts de la superfix de la Terra qe g'hann la stessa latitudin se dix q'inn su l'istess parallel ; vist qe la Terra l'è miga una sfera perfeita, ma l'è un poo sqiçada ai Pol, i parallel inn no dei cercoi perfeits ma plutost inn dei ovai (eliss).

In pratega, la latitudin la se calcola del vardar la volteza in su l'orizont de la Stella Polar ind el emisfer nord, de la Crox del Sud ind l'emisfer sud.