Ribes uva-crispa
| Ribes uva-crispa | ||||||||||||||
|---|---|---|---|---|---|---|---|---|---|---|---|---|---|---|
| occ.: Grizzèlla or.: ???? | ||||||||||||||
 | ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| ribes uva-crispa L. |
La grizzèlla (Ribes uva-crispa L.) a l’è on arbust de frutt che ‘l partén a la famiglia di Grossulariacei e al géner ribes. I sò borlìtt hinn consideràd di frutt de bosch.
Descrizion[Modifega | modifica 'l sorgent]
La grizzèlla l’è on arbùst pertpetuv piscinìn, latifoeuj e caducifoeuj, spinós alt circa 50-200 cm che ‘l gh’hà di ramm intrigàa. La soa forma biológica l’è "NP (nano-fanerofita)", per dì che l'è 'na pianta legnosa con di gemm perpetùv piazzàa infra i 20 cm e i 2 m del seoul.
La gh’hà di foeuj lobàd, senza stìpol, 'na pelosità variàbel.
I fior, in deperlór o a fiorescenza di 2-3 fior, gh’hann on pedùncol curt. El caliz l’è fàa su de cinch sepali giald-verd, giald o porporitt, de 5–7 mm. La corònna l’è fada su de cinch petali pussée piscinìtt di sepali, alternàa con lor. El fior el gh’hà 5 stamm dispòst in corrispondenza di petali. L'ovari l’è ìnfer, cont on stilaa dividuu in du. La fiorida la succéd d’april e ‘l fruttì d’agost.
El frutt l’è on borlìn commestìbil de grandèzza e pelosità variàbel con de la somenza in del dedenter; ghe n’è divèrsi varietà colaràd de ross o de giald. I radìs hinn superficiàj e vànn nò in profondità.
-
La foeuja -
El fior -
El ramm
Produzion[Modifega | modifica 'l sorgent]
| Maggior produttor de grizzèlla (2012)[1] (in tonnellad) | |
|---|---|
 Germania
|
77 000 |
 Russia
|
51 000 |
 Pulonia
|
16 318 |
 Ucraina
|
7 500 |
 Cechia |
3 100 |
.svg){kind=small} Regn Unid
|
2 620 |
 Austria
|
1 875 |
 Ongaria
|
745 |
| Modell:DNK | 436 |
| Modell:LTU | 300 |
| Mond | 161 462 |
Distribuzion e habitat[Modifega | modifica 'l sorgent]
La grizzèlla l’è ona pianta eurasiatica, spantegada de l'Euròpa al Giappon. In Italia l’è comùn in sui Alp e sui mont Penin center- settentrionàj, fin al Molise[2]. La cress in di bosch e in di pràa de montagna.
Coltivazion[Modifega | modifica 'l sorgent]
La grizzèlla la preferìss di posizión a la mèzza ombrìa e di sit frèsch, de già che la soffrìss la siccità a la longa. La cress ben in di terren sub-àcid minga tròpp compatt. A l’è molto resistenta al frècc, la gh’hà nò paura de gelàd tardiv e l’è assosènn resistenta ai malattìj.
Utilizzazion[Modifega | modifica 'l sorgent]
El frutt a l’è commestìbil; aromatich, giusént e dolz quand che l’è del tutt madùr. El po’ vèss dopràa frèsch, per fa di marmellàd, di siròpp e di geladìnn. La grizzèlla l’è conossùda pòch e l’è catalogada infra i frutt minór o insòlit. Come èrba medicinal e èrba officinal, la grizzèlla la pò vèss doprada grazie al so contegnùu de vitamina C, vitamina A, polifenòl, sal mineraj, àcid màlich.
Riferiment[Modifega | modifica 'l sorgent]
- ↑ Food and Agriculture Organization of The United Nations. (EN) FAOstat. URL consultad in data 7 maggio 2013.
- ↑ Uva Spina Rossa, Consigli Manutenzione e Cura. URL consultad in data 7 settembre 2015.
Bibliografia[Modifega | modifica 'l sorgent]
- Sandro Pignatti, Flora d'Italia, Bologna, Edagricole, 1982, Vol. 1. 88-506-2449-2