Restell (arnes)

De Wikipedia
Lumbard ucidental Quest articol chì l'è scrivuu in lombard, grafia milanesa.
bussola Disambiguazión – Se te see dree a cercà el lavorà per andà denter o foeura de un sit, varda Restell (cà).
On restell poggiaa in sul mur.

El restell l'è on arnes che, insemma a la forca, el serviss a regoeuj el fen e la paja secch a rebatton del (ma anca i foeuj secch o castegn).
A l'è faa cont on manegh longh e de legn e, a la fin, cont on petten faa de vari dencc. El petten el pò vess de metall, legn, ma anca de plastega.
In del mond rural el restell l'è on arnes important de bon, soratutt in del passaa. L'è spantegaa in tutt el mond.

El nomm[Modifega | modifica 'l sorgent]

El nomm "restell" el vegn del latin rastrellum, diminutiv de raster o rastrum (con l'istess significaa)[1]. La parolla l'è spantegada anca in del rest de l'Italia (toscan rastrello o rastello, venezian rasteło, napoletan rastiello, sicilian (g)rastieddu[2]) e anca in del frances râteau e in del spagnoeu rastrillo. Del neolatin l'è passaa anca in alter lenguagg, compagn del breton rastell.
In catalan l'è rampí, in portoghes angazo, in galizian ancinho.

Referenz[Modifega | modifica 'l sorgent]

  1. etimo.it
  2. NavigAIS, carta numer 1411