Renassiment (partid politegh italian)

Quest articol chì l'è scrivud in lombard, con la Noeuva Ortografia Lombarda

Renassiment (Rinascimento in italian) a l'è un partid politegh italian, in pè del 2017. El so leader e fondator a l'è el Vittorio Sgarbi, critegh d'art e politegh de longa data.

El gh'ha un programa assee incentrad in sui investiment per la coltura, retegnuda del Sgarbi la resorsa la pussee important per l'Italia.

In del 2018 s'inn candidad cont i Moderad in Revoluzzion in Friul-Venezzia Giulia, e inn no elesgiud, ma el Sgarbi el corr in di liste de Forza Italia e l'è bon de rivà in parlament.

Del 2021 el collabora con Mi Dervi, un moviment de protesta e de desobedienza civil contra i sarradure fade per el COVID-19 e poeu contra l'oblegh de pass verd, cont el che 'l forma di liste uneghe in varie elezzion locai del 2022. El sodalizzi l'è s'cepad el 19 de avost 2022, quand che i verturista disen de no al svesinàss del Sgarbi a Forza Italia.

Riferiment

• #IoApro - Rinascimento a "congresso" (e Sgarbi riprende la Città ideale)

Ligam de foeura

• Sit ofizzial Archiviad chi: [1]

Vos corelade

• I Liberal Sgarbi