Redefoss

Quest articol chì l'è scrivuu in lombard, grafia milanesa.

El Redefoss a la Rampina de Meregnan, pocch prima de giontàss con la Vettabbia.

El Redefoss (Cavo Redefossi) l'è on canal artifizial de Milan.
L'è nassuu per l'esigenza che gh'era a Milan de resolv el problema di esondazion del Seves, soratutt de quand che la Martesana la ghe portava dent anca de l'aqua de l'Adda. La ronsgia de la Vettabbia, de fatt, la bastava minga.
El percors del Redefoss (che incoeu a Milan l'è tutt quattaa), el scomincia arent a Porta Noeuva (là indè che la Martesana la ciappa su i aqui del Seves e la finiss el sò percors) e 'l va inanz intorna ai Bastion, fina a Porta Romana. De lì el va giò invers a Rogored, San Donaa, San Giulian e Meregnan. A Meregnan el se gionta a la Vettabbia e 'l ghe va dent al Lamber.

Alter progett

Altri progetti

• Wikimedia Commons

• Wikimedia Commons el gh'ha dent imagin o alter archivi su Redefoss

Vos corelaa

• Seves
• Martesana
• Vettabbia
• Lamber