Navili de la Martesana

De Wikipedia
(Rimandaa da Martesana)
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La Martesana a Villa Fornas

El Navili de la Martesana (scritt anca Martesanna già che la penultema "a" l'è curta) l'è vun di Navili de Milan.

L'è on canal largh de 3 a 18 meter, fond da vun a 3 meter e longh pressapòcch 38 km che collega l'Adda con Milan. On temp el finiva in del tombon de San March che l'è staa quattaa in di ann Trenta.

Ona voeulta el ciamaven Navigliett[1], ma poeu l'ha tolt el nomm de Martesana che l'era quell del paes che 'l traversava.

El ciappa l'acqua de l'Adda a Trezz su l'Adda e traversa i territori de Vaver, Cassan su l'Adda, Inzagh, Bellinzagh, Gessaa, Busser, Cassina di Pecch, Gorgonzoeula, Cernusch sul Navili, Vimodron. El va denter a Milan arent a via Padova (quarter de Crescenzagh, Precott, Gorla e Grech) e riva fin alla Cassina de' Pomm al canton de via Melchiorre Gioia, dove 'l va sott terra.

Not[<small>Mudifega</small> | mudìfica 'l sorgènt]

  1. Cherubini, Vocabolario Milanese-italiano, s.u. Navigli