Red di tram de Pyongyang

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Red di tram de Pyongyang

Tipolojia	red tranviaria
Stats	Corea del Nòrd
Territore	Pyongyang
Vertura	12 april 1991

Operador	Commission di Straport e Comnicazion

Scartament	scartament normal e scartament metrich
Lungeza	53,5 km
Velocitaa media	30 km/h
Mappa di straport
istruzion

Pyongyang, capital de la Corea del Nord, a l'è servida de ona red di tram fada de quater lign, verta dal 1991 e longa 53,5 km.

Storia

Prima de la Guerra de Corea tucc i città corean, inclusa Pyongyang, gh'even ona red de tram. Dopo de la guerra i red de la Corea del Sud a hinn staa cavaa via, per la volta motorizzazion privada.

Per via del cost del petroli, la Corea del Nord l'ha rapidament trasformaa i sò red in elettrich, e l'ha favorii el trasport elettrich rispett a quell termich.

Quand che i lign de filobus a eren pien, el Stat l'ha deciduu de fà i lign de tram.

Lign

A gh'è trè lign doperaa normalment di cittadin:

Linia 1: P'yŏngyang-yŏk (평양역; 平壤驛) — Man'gyŏngdae (만경대; 萬景臺)
Linia 2: T'osŏng (토성; 土城) — Rangrang (락랑; 樂浪) — Munsu (문수; 紋繡)
Linia 3: Sŏp'yŏngyang (서평양; 西平壤) — Rangrang (락랑; 樂浪)

Doperà 'sti lign chi el costa 5 Won, e tipicament i turista ghe pòden mìnga andà su. A hinn tucc a scartament standard.

Gh'è la quarta linia, a gratis, che la mena i turista al Palazz del Sô de Kumsusan. L'è a scartament metrich e i tram a hinn faa in Svizzera.

Material rotabil

In sui lign convenzionai a hinn doperaa di tram de la ČKD Tatra, compagnia cecoslovacca famosa in tutt l'ex blocch sovietich, 'me i carrozz Tatra B4, i Tatra T3, i Tatra T4, i Tatra KT8D5 e i Tatra T6B5. Del 2018 hinn doperaa di tram faa su in del Pajes e fondaa in sui KT8D5K, ciamaa "Tongil", ciovè "unificazion".

Per la linia turistica del Palazz del Sô a l'è doperaa on Tram standard svizzer tipo quej de la Red di tram de Zurigh.