Metropolitana de Pyongyang

De Wikipedia
Lumbard ucidental Quest articol chì l'è scrivuu in lombard, grafia milanesa.
Metropolitana de Pyongyang
Tipolojia Metropolitana
Stats Corea del Nòrd
Territore Pyongyang
Vertura 9 settember 1973
Linie Linea Ch'ŏllima, Linea Hyŏksin e Mangyongdae Line (Pyŏngyang Subway)
Treni 453
Scartament scartament normal
N. stazion e fermade 16
Passajer 98 600 per dé
35 989 000 l'ann
Traçad
istruzion 

La metropolitana de Pyongyang a l'è fàda de dò lign e la quatta la capital de la Corea del Nord Pyongyang.

Storia[Modifega | modifica 'l sorgent]

La costruzion a l'è scominciada in del 1965 e l'era ispirada di alter metropolitann di Stat comunista, soratutt de quella de Mosca. In del 1973 a l'è verta e hinn staa faa su la pupart di stazion pocch agn prima. In del 1971 on incident l'ha fermaa el tunnel in sul Taedong che l'ha menaa al desviluppà no la red sotta al fium.

Operazion[Modifega | modifica 'l sorgent]

In teoria, i treni pòden passà a 'n intervall minim de du menut, ma in pratega passen ogni trii menut in di moment de ponta e ogni cinch quand che gh'è calma, e i treni gh'han sora on sistema de audiodiffusion che 'l permett de fà annonzi e de sonà de la musega.

A l'è la metropolitana che la costa men in del mond, cont on biliett che 'l costa domà cinch won, o ben mezz ghell de dollar american. Incoeu se dopera 'na carta contactless per pagà, ma prima gh'era on biliett de carta e, an'mò prima, un getton de allumini.

I stazion hinn assee sotta terra, inscì de podè vess doperaa 'me rifugio anti-bomba.

Turism[Modifega | modifica 'l sorgent]

Degià che la Corea del Nord a l'è 'na dittatura che la limita assee el turism liber, finna al 2010 i turista podeven viaggià domà in tra i dò stazion de Puhŭng e Yŏnggwang, e gh'è stada 'na teorìa complottista che la pensava che ghe fussen domà 'sti stazion.

Dal 2014 a l'è possibil viaggià liberament in su tutta la red se autorizzaa de la guìda.

Lign[Modifega | modifica 'l sorgent]

I lign a hinn:

Arent a la stazion de Jonsung a gh'è 'na tratta de conligament in tra i dò lign, e se pensa che 'l ghe sibia 'n terz sistema parallel doperaa del governo, compagn de la Metro-2 de Mosca.

Material rotabil[Modifega | modifica 'l sorgent]

In origin eren doperaa di treni DK4 faa in China de la Changchun Railway Vehicles, n'hinn staa crompaa 345. Pocch dopo a hinn staa mandaa indree e doperaa per la metropolitana de Pechin e 'l se sa nò se di DK4 a hinn poeu tornaa a Pyongyang.

Hinn staa sostituii di DKZ5 e di DKZ6 e dal 1997 a hinn staa crompaa di treni vegg de la metropolitana de Berlin in dò version:

  • Gisela doperaa a Berlin Est in 60 treni faa su in tra el 1978 e 'l 1982
  • Dora, doperaa a Berlin Ovest in 108 treni faa su in tra 'l 1957 e 'l 1965

I treni a hinn staa pintaa e i pubblicità sostituii di foto di leader Kim. I tipi GI a hinn staa tolt via de la metro dal 2001 e hinn doperaa in su la red ferroviaria de Pyongyang.

In del 2015 Kim Jong-un l'ha nonziaa 4 noeuv treni faa in Corea del Nord de la Kim Chong-t'ae Electric Locomotive Works, che però paren di tipo D renoeuvaa.

Galleria di foto[Modifega | modifica 'l sorgent]

Riferiment[Modifega | modifica 'l sorgent]

Vos corelaa[Modifega | modifica 'l sorgent]