Provin
El provin (cognossuu anca con l'italianism termometro) a l'è on istrument de misura che 'l serviss per vardà 'me che l'è la temperadura (de l'atmosfera, ma anca del corp, per vedè se gh'è la fevera), opura i sò variazzion.
Storia
[Modifega | modifica 'l sorgent]El primm provin l'è staa faa su del Galileo Galilei in del 1607; on noeuv modell l'è staa faa del Daniel Gabriel Fahrenheit in del 1709. Prima i provitt eren faa con l'alcol, poeu in del 1714 gh'è rivaa quei con scià el mercuri. La scala centigrada che se dopera incoeu l'è stada inventada in del 1742 del scior Anders Celsius.
'Me l'è che la se mett la scala
[Modifega | modifica 'l sorgent]In di provitt con l'alcol o el mercuri, la scala de misurazzion la vegn mettuda inscì:
- El se mett el provin dent in de l'aqua cont el giazz e 'l vegn marcaa el pont indove che l'è 'l liqued.
- El se mett el provin dent in de l'aqua che l'è dree a diventà vapor e 'l vegn marcaa el pont indove che l'è 'l liqued.
- El segment el vegn dividuu in 100.