Puntiröl

Chèst artìcol a l'è scricc in Lombàrd, ortograféa bergamasca del Dücàt.

Puntiröl Comun
Puntiröl - Sœmeanza
Dats aministrativ
Stat	Italia
Rejon	Lombardia
Provinça	Berghem
Capolœg	Pontirolo Nuovo
Politega
Sindeg
Orgen lejislativ	Consili comunal
Territore
Coordinade	45°34′09″N 9°34′02″E
OSM	45334
Voltituden	155 m s.l.m
Superfix	11,1 km²
Abitants	4 886 ab. (1º genar 2023)
Densitaa	440.18 ab./km²
Confin	Ciserà, Calònega, Treì, Àrsen, Brembàt, Boltér e Fara Gera d'Ada
Fus orari	UTC+01:00 e UTC+02:00
Varie
Prefiss	0363
Codex postal	24040
Sigla autom.	BG
Codex ISTAT	016172
Codex catastal	G867
Sant protetor	San Michee
Cl. climatega
Cl. sismega
Localizazion
Puntiröl - Localizazion
Sit istituzional

Puntiröl (Növ) l'è 'n cümü déla proìncia de Bèrghem. Al sò nóm talià l'è Pontirolo Nuovo.

El g'ha 'na popolasiù de 4 974 abitàncc (dàto del Desember 2015), cond'öna süperfìce de 10,8 km² e 'na densità de popolasiù de 461 ab./km²

El cunfìna coi cümü de Àrsen, Boltér, Brembàt, Calòniga, Ciserà, Fara Gera d'Ada, Treì.

Amministrassiù cümünàl

Sìndech: Gigliola Breviario (nassìt 'n del 1953), elesìt al 26/05/2019

Centralì del cümü: 0363 332811

Inderìs de pòsta-eletrònega del cümü: sindaco@comune.pontirolonuovo.bg.it

Andamènt demogràfegh

L'andamènt del nömer dei abitàncc del cümü de Puntiröl l'è mustràt in de la tabela ilüstrada ché sóta:

Abitant censid

Stòria

Al nòm romà

Puntiröl 'l tra al sò nóm del latì Pons Aureoli, al Pónt d'Auréol. An dî anài medieài sa pöl zemò troà di sègn dela presènsa de 'n bórgh ciamàt Puntiröl Növ ma ga sarà reconussìt al stato de cümü a dóma 'n del 1570. L'agetìv "növ" l'ucurìa a chî tép per mìa sconfont chèsto bórgh con chel de "Puntiröl Vècc", che al dé d'encö l'à müdàt zemò de 'n bel po de tép al nóm an Canònega d'Ada. Söla derïassiù latina del nòm Puntiröl, i è decórde töcc i stórech e i cumpiladùr de dissionare orogràfech.

Al castrum romà

A 'm gh'à tacc indésse ch'î fa pensà che Puntiröl 'l sabe stacc edificàt söle fundamènta d'ön castrum romà, o mèi, de 'n acampamét militàr fàcc sö per difènd al pónt d'Auréol. Al castrum 'n prensépe 'l gh'éra öna furma quadrada dividida 'n quàter parcc: al centro sa troàa la piassa d'àrme e, töt inturen, i tènde, i abitassiù dî militàr o i edefésse d'ütilità pöblega o de cölt. I parcc restante i egnìa dividide amò 'n quàter tòch.