Partii Comunista (Italia)

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
Partii Comunista
Partito Comunista
Partito comunista logo.png
SegretareMarco Rizzo
Stat
Flag of Italy.svg
Italia
Fondazion3 de luj 2009
IdeolojiaComunism
Euroscetticism
CollocazionEstrema sinistra
JornalLa Riscossa
Organizazion di jovenFront de la Gioventura Comunista
ColorRoss
$fine
This box: view  talk  edit

El Partii Comunista (Partito Comunista in italian) a l'è on partii de ispirazion marxista fondaa el 3 luj 2009 e guidaa del Marco Rizzo di temp de la soa nassita.

Storia[Modifega | mudìfica 'l sorgènt]

Origin[Modifega | mudìfica 'l sorgènt]

El Rizzo el troeuva consens in di aree de estrema sinistra dòpo vèss staa per on poo de temp in polemica cont l'Oliviero Diliberto e l'Armando Cossutta, mèmber 'me lu del Partii di Comunista Italian, per via di referéndum sindacai e l'intervent italian in la guerra del Kosovo. Rizzo el deventa donca la guida de l'area contraria a l'unità comunista cont el center-sinistra.

In del 2009, dòpo del falliment elettoral del PdCI el va in lotta diretta cont la presidenza del Partii, e 'l 24 de giugn a l'è espuls del partii.

Comunista - Sinistra Popolara[Modifega | mudìfica 'l sorgènt]

El 3 de luj 2009 nassen i "Comunisti - Sinistra Popolare", che recoeujen di adesion in del mond de la sinistra.

El 21 de genar 2012 a l'è giontada la scritta "Partito Comunista".

Ai elezion politegh italian del 2013 el partii el se presenta domà a l'ester, senza ciappà nissun segg.

Partito Comunista[Modifega | mudìfica 'l sorgènt]

El 17 de genar 2014 la se reunìss a Roma la Convention del Partii che la rielegg Rizzo segretari e la cambia nomm in Partito Comunista.

In del referendum costituzional del 2016 el se s'cera per el No, con l'opinion che la reforma la fuss fonzionala domà ai padron.

El 21 de genar 2017 el Rizzo a l'è anmò rielegiuu segretari. A marz organizzen ona manifestazion contra de l'Union europea.

Al principi del 2018 Rizzo nonzia che 'l partii el correrà indeperlu in di elezion politegh italian del 2018, senza poeu ottegnì nissun segg.

Ideologia[Modifega | mudìfica 'l sorgènt]

El partii a l'è de ideologia marxista-leninista revoluzionaria e 'l refuda i tesi revisionista e reformista.

Consideren i elezion domà 'me 'na part de la soa attività politega che la gh'ha de compìss anca con di àlter mezz.

El Partii el ved 'me figur positiv del comunism italian l'Antonio Gramsci e 'l Pietro Secchia e 'l ved mal l'Enrico Berlinguer e 'l Palmiro Togliatti. E 'l ved cont favor la figura de Stalin, senza deciaràss stalinista.

Rappòrt[Modifega | mudìfica 'l sorgènt]

El Partito a l'è dal 2013 member de l'Iniziativa di Partii Comunista e Operari d'Europa e dal 2017 de l'Inconter Internazional Partii Comunista e Operari.

El gh'ha di bon rappòrt cont el Venezuela del Nicolas Maduro, el Partii Comunista de Grecia e 'l Partii Comunista di Popoi de Spagna.

Organizzazion giovanil[Modifega | mudìfica 'l sorgènt]

El Fronte della Gioventù Comunista a l'è l'organizzazion giovanil del Partii: Nassuda in principi 'me organizzazion independenta in del 2016 el fa on patt de azion cont el Partito Comunista e 'l mantegn 'na soa autonomia de tesserament e de organizzazion.

El FGC l'ha vinciuu la Presidenza di Consult Provinciai di Student de Cosenza, Milan, Latina, Regg Emilia e Venezia.

Riferiment[Modifega | mudìfica 'l sorgènt]

Vos correlaa[Modifega | mudìfica 'l sorgènt]