Pan

Articol di 1000 che tucc i Wikipedie gh'hann de havégh
De Wikipedia
Lumbard ucidental Quest articol chì l'è scrivuu in lombard, grafia milanesa.
bussola Disambiguazión – Se te see dree a cercà alter significaa, varda Pan (desambiguazzion).
Pan
Diversi tip de pan
Origen
Pòst d'origenEgitt Egitt
Dettaj
Categoriacontorno
Settorprestinee, pastisseria
Ingredient principajfarina, acqua e ona quaj voeulta anca levaa, saa e alter ingredient
Alter informazionel pan el pò vess categorizzaa comè antipast putost che comè dolz
 

El pan (lombard oriental: [pa]) l'è on mangià tra i pussee comun e important in del mond.
A l'è on impast de farina (de solet de forment, però di voeult anca de seghel, de mej, de formenton, etc.) e acqua, che 'l vegn lassaa fermentaa, levaa (di voeult in d'ona stua) e poeu coeus in d'on prestin. Dopo el vegn faa su e confezionaa in maner diferent, e despess ghe vegn giontaa anca ingredient regionai.
In tra i pan lombard a troeuvom la michetta (o rosetta), tipega de Milan, ma ghe n'è tanti alter.

El gh'ha on post fondamental in de la tradizion ocidental 'me component primari de la limentazion: inscì tant che 'l termen medemm el pò devegnì sinomen de "mangià, aliment". Per esempi, basta domà pensà a Mattee (6:11), ciovè: Dann incoeu el nost pan de tucc i dì.

Ingredient[Modifega | modifica 'l sorgent]

Ona michetta.

I ricett pussee spantegaa preveden pu o manch dò part de farina de forment e vuna d'aqua, on poo fresch e on poo che vegnen de 'n impast precedent (levaa natural, o anca de birra), ma ghe n'è anca con la farina de carlon o de seghel. Despess 'me condiment el vegn doperaa la sal, ma anca l'oeuli, el buter e alter grass. On alter lavorà che 'l muda despess l'è la forma.

El nomm[Modifega | modifica 'l sorgent]

La parolla pan la riva del latin panis, con l'istess significaa. El termen el troeuvom in tutt i lengov romanz (italian pane, rümen pâne, rumanc pan, frances pain, spagnoeu pan, portoghes pão...).

Varda anca[Modifega | modifica 'l sorgent]