Ortografia ticinesa

De Wikipedia
Jump to navigation Jump to search
Quell articol qì l'è scrivud in Lombard, ortografia SL.

L’ortografia ticinesa l'è un sistema de scritura dei dialets de la lengua lombarda, codefegada ind el 1907 con la publegazion del Vocabolario dei dialetti della Svizzera italiana;[1] l'è basada su l’ortografia de la lengua italiana standard, a la quala l'è stait jontad l'uso dei dieresi per la rapresentazion dei vocai turbade (compagn de l'ortografia todesca) e una qualc elements, ereditads de l'ortografia classega milanesa, per i son consonanteg qe i g'è miga ind la fonetega italiana. L'è l'ortografia dovrada ind i stude in su 'l lombard de la Lombardia svizera publegads del Centro di dialettologia e di etnografia del Canton Ticino[2], qe al varda anc a la codefegazion e a l'evoluzion.

Tante ortografie lombarde i è basade in su qest modell, con dei picole variazion, come presempe la grafia del Ducad, l'orientala unifegada e l'insubrega unifegada.[3]

Inscambe dei grafie classege (e de la plu recenta Scriver Lombard), l'è un'ortografia fonetega; donca la scriitura dei parolle la cambia insema a la so prononça ind i dialets locai de la lengua lombarda.

Riferiments[<small>Mudifega</small> | mudìfica 'l sorgènt]

  1. Centro di dialettologia e di etnografia del Canton Ticino, Vocabolario dei dialetti della Svizzera italiana, Bellinzona, 1907.
  2. Centro di dialettologia e di etnografia del Canton Ticino, www4.ti.ch.
  3. Emanuele Miola, Chì pòdom tucc scriv come voeurom - Scrivere in lombardo online, www.academia.edu. URL consultato il 23 settembre 2017.