Olivetti P652

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Ona Olivetti P652

L'Olivetti P652 a l'è staa on personal computer de la Olivetti. Sortii foeura in del 1973 a l'era simil de la Programma 101 ma con la possibilità de tacànn pussee dispositiv scientifich e de doperà direttament in su la tastadura i fonzion matematich e goniometrich pussee important e de avègh ona ROM cont di programma.

Tecnega[Modifega | mudìfica 'l sorgènt]

La P652 la gh'ha du register de lavorà: M e A, pussee 240 de che 100 che pòden vess indicizzaa direttament (segnaa de 'na K), ma tucc indirettament (cont la I). 8 register inveci seren de indes.

La P652 l'era bona de tacàss a di dispositiv e de mandàgh on output o ricev on input, cont el comand FMT (P), che 'l supportava 'na forma primitiva de interrupt.

Comé operazion matematich podeva gestì la conversion da cordinaa polar a quadraa, i logaritm, i fonzion de trigonometria e esponenziai, scrivuu direttament in del firmware cont di algoritm faa del Angelo Barbieri, matematich de la Olivetti.

Ghe podeva vess ona ROM de 512 istruzion, doperaa tipicament per di fonzion speciai, che eren ciamaa cont el comand FUNCT (F).

Caratteristich[Modifega | mudìfica 'l sorgènt]

  • RAM: 4096 posizion de 4 bit
  • ROM: 4096 posizion de 16 bit
  • Bit de indirizzament: 12 bit

Programmazion[Modifega | mudìfica 'l sorgènt]

La P652 a l'era programmabil cont la cartolina magnetica e cont on lenguagg simbolich a register compagn de on assembly.

'Sto lenguagg chi el supportava l'indirezion e 'l podeva lavorà con 100 register indirizzaa direttament e 240 indirettament, el supportava i fonzion matematich e trigonometrich pussee important, i salt condizionaa e incondizionaa e i fonzion de sottaprogramma.

La ROM la permetteva de lavorà in sui numer compless.

Riferiment[Modifega | mudìfica 'l sorgènt]

Bibliografia[Modifega | mudìfica 'l sorgènt]

  • Manual de l'Olivetti P652

Vos correlaa[Modifega | mudìfica 'l sorgènt]