Accumulator

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
bussola Disambiguazión – Se te see dree a cercà alter significaa, varda Accumulator (disambiguazión).
Console de computer IBM 701 cont l'accumulator in binari

L'accumulator a l'è vun di register informatich pussee important de 'na CPU perchè a l'è quell indova hinn faa squasi tucc i operazion, soratutt quej faa al vol de la ALU. A l'è standard che 'l sia ciamaa, in assembly, "A". Senza de lu el saria necessari salvà ogni resultaa in la memoria centrala, cont on trasà di resors se la resorsa la gh'ha de vess doperada subit dopo.

Di voeult gh'è pussee accumulator a segonda di bit doperaa per el calcol faa.

Esempi[<small>Mudifega</small> | mudìfica 'l sorgènt]

Programma 101[<small>Mudifega</small> | mudìfica 'l sorgènt]

In del computer Programma 101 del 1965 l'accumulator el gh'ha dent el resultaa de l'ultima operazion fada e l'è el primm member de ogni operazion, donca per esempi Bx a l'è A = A*B.

A vedom on esempi de programma de la P101 che 'l fa on cunt e 'l salva on resultaa in A:

A V
S
M ↕
A x
A ♢
V

'Sto programma 'l eleva a potenza de 2 el numer daa, che l'è mettuu automaticament in M, scambiaa cont A che l'è donca anca operand de la moltiplicazion. A l'è poeu stampaa.

Intel 8051[<small>Mudifega</small> | mudìfica 'l sorgènt]

Esempi di us de l'accumulator in su l'Intel 8051:

MOV A,R2 ;mett R2 in l'accumulator
ADD A,R4 ;gionta el valor de R4 in l'accumulator
MOV R5,A ;mett el valor de A in R5

Vos correlaa[<small>Mudifega</small> | mudìfica 'l sorgènt]