Nivol de madrepèrla
I nivol de madrepèrla hinn di tipi de nìvol particolàr che se formen ind la stratosfera, a di altèzz comprés intra i 15000 m e 25000 m in sul livèll del mar, di vòlt fin a 30000 m. Gh’hànn l’aspètt di cirri de color pàllid oppùr di nìvol lenticolar.
Formazion
[Modifega | modifica 'l sorgent]La stratosfera a l’è molto sècca e, a differenza de la tròposfera, e rarament la permètt la formazion di nìvol. De tutt i maner in del frègg estrèmm di region polàr la permètt la formazion di nìvol stratosferegh de vari tipi, che vegnen classificàd segond el sò stat fisegh e la soa composizion chimega. A càosa de la soa quòta e de la curvadura terrèstra, quèj nìvol chì riceven la lus solàr de sòta l’orizzont e pòden vèss notà soratùtt innanz de l’alba o dòpo el calà del sol. I nivol de madrepèrla se formen con di temperadur sòta i -78 °C, che a hinn di valór che pòden vèss raggiùnt in de la bassa stratosfera in del cors de l’invèrna polar. In Antartide di temperadùr inferior de -88°C pròvochen la formazion de nìvol del tipo II. Quèj temperadur chì hinn minga freguent in de l’Artide e, de conseguenza, hinn pussée rar in de l’emisfero settentrionàl indoe, de tutt i maner, pòden fàss per via di ond sòtavént che vegnen di alt montàgn, bon de infreggià la bassa stratosfera. A l’è probabil che di vent fòrt in quòta e di depression profond favorissen la formazion de quèll tipo de nivola chì.
Tipi
[Modifega | modifica 'l sorgent]I nìvol de madreperla hinn dìviduu in quatter tipi segond la so composizion chimega.
- Tipo I, i nivol gh’hann denter l’acid nitrich e l’acqua.
- Tipo Ia, i nivol hinn fàd su de cristaj fàa su de acid nitrìch e acqua.
- Tipo Ib, i nivol gh’hànn denter di gottìnn, e quajvuna anca acid solfòrich in soluzion sorafonduda.
- Tipo II, i nìvol ch’a hinn fàa su domà de giazz.
Bibliografia
[Modifega | modifica 'l sorgent]- Francis Wilson; Storm Dunlop, Guida alla previsione del tempo, Bologna, Zanichelli, 1989.
- Meteorologia, Milano, Mondadori, 2010.