Nivili Langosch

De Wikipedia
Lumbard ucidental Quest articol chì l'è scrivuu in lombard, grafia milanesa.
El Nivili a Rementin in autunn.

El Nivili Langosch, che localment l'è conossuu domà comè Nivili (in italian: Naviglio Langosco) a l'è on canal artifizzial de la Lombardia e del Piemont.
A l'è alimentaa del fiumm Tesin, e la soa fonzion l'è quella de bagnà i campagn del Noares e de la Lumellina. A l'è staa faa in del XVII secol, per vorè del cont Guido Langosco. I lavorà per fall su hinn staa faa in tra el 1613 e 'l 1665, progettaa del Peder Antoni Barca.

El sò percors el scomincia in Provincia de Noara, a nord del pont de Turbigh: el traversa i comun de Gajaa, Rementin, Tracaa e Sceran; rivaa in de la Provincia de Pavia, el bagna Cassoeu, Vigeven (indè che 'l passa de soravia al Terdobbi) e Gambolò. Lainscì el Nivili el se esauriss, e 'l va dent a on bell numer de ronsg.