Peder Antoni Barca
El Peder Antoni Barca (1586 circa - Milan, 1639 circa) a l'è staa on ingegnee e architett milanes, al servizzi del Ducaa de Milan spagnoeu.
Biografia
[Modifega | modifica 'l sorgent]
El se sa minga quand che l'è nassuu, el sò primm lavorà a l'è staa el Palazz del Capitani de Giustizia, ossia i noeuv galer milanes, faa su in tra el 1578 e 'l 1605, indova che el gh'ha avuu de cambià i progett. L'ha partecipaa anca a la Fabrega del Domm ma se pensa che 'l sia staa casciaa via perchè tropp ambizios e bon de provà a mett i tarej in tra i roeud ai ingegnee pussee boni de luu. Del 1620 l'ha partecipaa a 'na motta de lavorà per di ges.
L'ha curaa anca la costruzion del Nivili Langosch, el censiment di Molin in su l'Olona e 'l completament de la Gesa de San Sebastian, de che l'ha curaa la cupola che la gh'è incoeu.
Per la tradizion popolar a l'è mort in del 1636 per di ferid de guerra ma, a bon cunt, la gh'è nissuna font de la soa attività militar e l'ultema soa nomena a l'è in del 1639, in d'on liber del barba Isepp, mort, che l'avaria curaa luu.
Riferiment
[Modifega | modifica 'l sorgent]Alter progett
[Modifega | modifica 'l sorgent]
Wikimedia Commons el gh'ha dent imagin o alter archivi su Peder Antoni Barca
