Metodo D'Hondt

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.

Ol metodo Jefferson o metodo D'Hondt (anc cognossid come ol metodo del plœ grand divisor) l'è un metodo matemateg per distribuir i cadrege ind i sistemi eletorai qi dovra ol metodo proporzional.

Qell metodo qé l'è dovrad in tants stats, per esempe in Europa da 13 di 28 member de l'UE (Austria, Beljo, Bulgaria, Croazia, Estonia, Finlandia, Italia, Pais Bass, Polonia, Portogall, Republica Ceca, Slovenia, Spagna), la Svizera, la Turqia, Israel e, anc se modificad, ind la Republica de San Marino.

L'è dovrad anc ind la distribuzion di cadrege per ol Consili Rejonal de la Lombardia.[1]

Storia[Modifega | modifica 'l sorgent]

Ind i Stats Unids ol metodo al ciapa ol so nom da Thomas Jefferson, qe l'ha introduxid ind el 1791 per i elezion de la Camera di Rapresentants di Stats Unids. In Europa invece al ciapa ol nom da Victor D'Hondt, qe l'ha descrivid ind el 1878 per la distribuzion di cadrege intra i partids.

Carateristige[Modifega | modifica 'l sorgent]

Ind i sistemi proporzionai l'è important distribuir i cadrege ind la manera plœ vexina possibel al resultad di elezion; qesto perqè i division precisa d'ordinare la dà mìa un nœmer intreg, come i è i cadrege.
G'è plœ de un sistema per far-l: rispet ai olter (come qell de Sainte-Laguë) ol metodo D'Hondt al tend a favorir un poo i partids (o i coalizion) plœ grands.

Distribuzion di cadrege[Modifega | modifica 'l sorgent]

Dopo la conta di tœts i voti, i è calcolads i quozients per i p partids. La formula l'è

indove:

  • V l'è ol nœmer total di voti de ogne partid
  • s l'è ol nœmer di cadrege qe i è daite al partid fina qell moment, al prencepe 0 per tœts

Ol denominador l'è aumentad de +1 fina al nœmer di cadrege de distribuir (n). L'è faita una tabella con p rige e s colone. A la fin i è catads fò i n nœmer plœ grands de tœta la tabella, e ogne partid al ciaperà una cadrega per ogne nœmer "vincidor" ind la so riga.

Esempe[Modifega | modifica 'l sorgent]

In qesto esempe g'è 230 000 eletor, 8 cadrege e 4 partids.

Per una comparazion, l'è metida anc la frazion de riferiment (voti al partid/voti totai).

Denominador 1 2 3 4 5 6 7 8 Cadrege
ciapade (*)
Cadrege
proporzionai
Partid A 100 000* 50 000* 33,333* 25 000* 20 000 16 666 14 286 12 500 4 3.4
Partid B 80 000* 40 000* 26 666* 20 000 16 000 13 333 11 428 10 000 3 2.8
Partid C 30,000* 15 000 10 000 7 500 6 000 5 000 4 286 3 750 1 1.1
Partid D 20,000 10 000 6 666 5 000 4 000 3 333 2 857 2 500 0 0.7

Bibliografia[Modifega | modifica 'l sorgent]

Riferiments[Modifega | modifica 'l sorgent]

  1. Sintesi dei principali sistemi elettorali regionali - Rejon Piemont