Liberland

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Locazion de Liberland

Liberland a l'è 'na micronazion deciarada in d'on tocchell de terra nullius in tra la Croazia e la Serbia proclamada el 13 de april 2015 de l'attivista libertari cecch Vít Jedlička.

Situàda in sul Danubi e granda appena 7 km², se la fuss recognossuda la saria el terz Stat pussee piscininn del mond, prima del Vatican e de Monaco.

Storia[Modifega | mudìfica 'l sorgènt]

Liberland a l'è staa proclamaa del Vít Jedlička in l'april 2015 cont l'ideja che, degià che a l'è terra de nissun, tucc pòden reclamàlla.

I sò esponent a hinn staa pussee de 'na voeulta menaa via de la polizia croata e condanaa per vèssegh entraa sènza autorizzazion: I cort croatt han poeu reversaa la pupart di sentenz, degià che per la Croazia a l'è territori a e donca a l'è illegal sortì de la Croazia foeura di valich ma l'è mìnga illegal, per la Croazia, entrà in Serbia del Danubi.

Idej[Modifega | mudìfica 'l sorgènt]

Liberland, fondada de 'n attivista che in Céchia a l'è mèmber del Partii di Liber Cittadin, el voeur vèss on esempi de Stat liberal, indova che 'l podè del Stat el sia limitaa a 'n Stat minimo e cont ona politega de fronter vert per quei che creden a la libertà.

Simboi[Modifega | mudìfica 'l sorgènt]

La bandera

La bandera de Liberland a l'è gialda cont ona banda negra, i classich color del mónd anarco-capitalista, e 'l stemma.

El motto a l'è "Viv e lassa viv".

Publich relazion[Modifega | mudìfica 'l sorgènt]

Subit dopo de la fondazion a hinn nonziaa 'na motta de politegh de publich relazion: Hinn staa nominaa 70 reppresentant a l'ester, hinn staa faa di programma per la cittadinanza e l'è stada anca parpognuda 'na crittomoneda, el Merit.

Recognossiment[Modifega | mudìfica 'l sorgènt]

Nissun Stat l'ha recognossuu el Liberland, che l'ha avuu di relazion cont el Somaliland, anca luu mìnga recognossuu, e l'ha avuu di inconter cont el Giovann Adamm II del Liechtenstein. A bon cunt i espert de dirizz internazional pensen che 'l sia improbabil che Liberland el sia recognossuu, degià che in cas de mediazion internazionala quell territori el sarìa assegnaa a 'n vergun, Croazia o Serbia, e mìnga a 'n terz.

La vària, però, la reazion di Stat: Se la Serbia la ved in Liberland on gioeugh innocent de lassà stà, i autorità croatt pensen che 'l sia 'na provocazion de impedì.

Riferiment[Modifega | mudìfica 'l sorgènt]

Ligamm de foeura[Modifega | mudìfica 'l sorgènt]