Lesg razzial (San Marin)
|
Quest articol chì l'è scrivud in lombard, con la Noeuva Ortografia Lombarda |
La lesg razzial (in italian legge razziale) a l'è stada, in del dirit sanmarines, una lesg, la n. 33 del 17 de setember 1942, con dent "disposizzion in materia de matrimoni e per defender la raza", abrogada poeu con decret el 12 de avost 1946.
Voluda del fassism sanmarines e soratut del Giuliano Gozi, di autor pensen che la sibia stada fada dopo de 'n matrimoni messedad cont un citadin italian, roba che l'ha menad i autorità italiane a domandà i vesin a fà un quajcoss. La norma, apena de 7 articoi, la ciamava in manera esplicita ai resg razziai italiane e la proibiva donca i matrimoni messedad in tra i citadin sanmarines de raza ariana e quej di olter raze e la meteva el matrimoni cont un foraster - foeura de 'n citadin italian - sota l'aprovazzion di Capitani Reggent, e ghe proibiva anca ai citadin italian de violà la lesg italiana in materia denter a la Republega.
'Sta lesg chi l'ha menad l'Israell a considerà el San Marin 'me Stat collaborazzionista, ma i sanmarines fann notà el so gran asili ai refugiad sgiudee in fuga de la persecuzzion in Italia. Poeu la lesg l'è stada tolta cont un decret che 'l "defassistizava" la Republega, a toeu via anca i feste de la marcia su Roma, del fondà del Partid Fassista Sanmarines e de la descoverta de 'n complot contra el fassism e a revocà vari titoi e onor a quei che s'inn sgiontad al fassism.