Lesg Fondamental de la Germania

Quest articol chì l'è scrivud in lombard, con la Noeuva Ortografia Lombarda

Covertina de la Costituzzion, con su l'Aquila federal

Scolta quella vos chi · (info)

File de scoltà

Quell file audio chi l'è stad fad su de la revision del 11 de sginer 2023, donca el gh'ha no dent i modifeghe fade dopo.
Dialet o acent del letor: Milanes

Alter vos parlade

La Lesg Fondamental per la Republega Federal de Germania, ciamada anca informalment Costituzzion de la Germania, l'è la costituzzion de la Germania. La gh'ha un valor de lesg superior e la regola i dirit e i dover de la sgent, i orghen federal e di Stat Federai.

A l'è stada scrivuda dopo la Segonda Guerra Mondial e l'è stada adotada el 23 masg 1949. Con la reunificazzion todesca a l'è aplicada anca a l'Est. L'era ciamada domà lesg fondamental per l'ideja che poeu, la Germania unida, l'havaria scrivud 'na costituzzion noeuva, ma desgià che la Republega Democratega Todesca a l'è stada ciapada dent de la Federazzion a l'è tegnuda la lesg fondamental.

La lesg fondamental la stabiliss i principi fondamentai de la democrazzia parlamentara, di dirit uman, i dirit sociai e economegh, l'è partida in 16 part, 109 articoi e 8 sgionte.

La gh'ha un valor de lesg suprema e la 'l pò mia vesser cambiada de una lesg ordinaria. Per cambiàlla gh'è besogn de un procediment speciai, che 'l preved un quorum de 2/3 di vot de la Dieta Federal e el Consei Federai, oltra a on referendum popolar.

I articoi 1 e 20, che traten respetivament el rispet de la dignità umana e la Germania 'me stat federal e social che 'l recognoss el dirit de resister, inn protesgiud de una clausola de eternità, che la stabiliss che 'sti principi chi poden no vesser tolt via o mudad.