Lassa pur che 'l mond el disa

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.

Lassa pur che 'l mond el disa (ma Milan l'è on gran Milan) l'è ona canzon scrivuda del Giovanni D'Anzi e de l'Alfredo Bracchi in del 1939.
L'è vuna di canzon pussee famos del cantant milanes, e vuna de quei che la celebra (cont ona ponta de ironia) pussee l'orgoeuj de vess milanes e viv a Milan.

El test[Modifega | mudìfica 'l sorgènt]

Se sa che a parlà de Milan se fa minga fadiga,
con tanti argoment per i man el discors el scarliga
ciapèm per esempi i semafor che grand meravilia
te par de vedè tanta gent a ballà la quadrilia

Lassa pur che 'l mond el disa
ma Milan l'è on gran Milan
Porta Cicca e la Bovisa
che d'intorni proppi san
e la nebbia che bellezza,
la va giò per i polmon

e quand fiocca che gioia
gh'è el parco e i bastion
per scià senza andà al Mottaron
fa nagott se poeu pioeuv
e andemm giò a tomborlon
in la puccia a puccià el panetton.

Se sa che a Milan gh'è in progett la metropolitana
però ògni dì sto progett semper pu el se lontana
in cambi numm semm che in pittura Milan la fa scoeula
gh'è d’intorna domà cartellon del formagg Gorgonzoeula.

Lassa pur che 'll mond el disa
ma Milan l'è on gran Milan
el Carrobi e la via Brisa
el carrett di ciappacan
se te veet sul Montemerlo
par de vess a San Vincent

cossa l'è Montecarlo, San Remo, Menton
in confront de l'Olona e 'l Tombon
a Paris gh'è la Senna e ’l Danubi l'è blu
ma a Milan gh’è el Navili e poeu pù.

Lassa pur che 'l mond el disa
ma Milan l'è un gran Milan
on bel piatt de busecca con dent i borlott
on oss buss cont intorna el risott
on litrott de quell bon cont on bell minestron
fan content ogni milaneson!

Ligamm de foeura[Modifega | mudìfica 'l sorgènt]