Lòlia Paolina

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Lòlia Paolina (Lollia Paulina in Latin) l'è stada on'imperadris romana.

Giamò miee del governator del Mesia, de la Macedònia e de l'Acaia Publi Memmi Regol, l'ha divorziaa de lù in del 38 per sposà l'imperador Caligola, che 'l gh'aveva avuu inveci giamò ben trii miee.

El matrimòni però l'è duraa domà on agn, perchè el Caligola voreva on fioeu e lee l'era fòrsi steril. L'imperador l'ha lassada e l'ha sposaa la Milònia Cesònia, la soa ultima miee.

El Plini el Vegg el cunta che ona voeulta, a ona cerimònia, la Lòlia l'aveva di smerald del valor de quaranta milion de sesterzi.

L'è stada in bona sintonia anca cont el successor del Caligola, el Claudi, e dòpo la mòrt de la Messalina gh'è stada la possibilitaa de lee de sposàll, ma lù inveci l'ha ciappaa comè miee l'Agrippina Minor.

Probabilment l'è mòrta sòta el regn del Neron.

Vôs correlaa[Modifega | mudìfica 'l sorgènt]