Milònia Cesònia
La Milònia Cesònia (Milonia Cæsonia in Latin; 7-41) l'è stada la quarta miee de l'imperador Caligola.
L'era la tôsa de ona nòbil romana ciamada Vistilia (mader anca del general Gnee Domizi Corbulon) e quand la s'è sposada cont el Caligola l'aveva giamò trii fioeu. L'imperador voreva avègh on fioeu ma la soa miee, Lòlia Paolina, la pareva vess steril, inscì lù l'ha repdudiaa e l'ha sposaa la Cesònia. Lee la ghe ha daa ona tôsa, la Giulia Drusila (39-41), ciamada inscì in onor de la sorela del Caligola, mòrta anmò giovin.
Comè el marii e la tôsa, la Cesònia l'è stada massada di congiuraa in del sgenee del 41.