L'è foeu l'ors
L'è foeu l'ors (de la tana) l'era on scherz che se faseva on temp el duu de febrar in Valtolina e Valciavenna.
In sostanza l'obiettiv del scherz l'era quell de fà sortì foeura i gent de cà soa con qualsessia scusa, per poeu vosàggh (o cantàggh) adree "l'è foeu l'ors de la tana!".
Quell scherz chì (che 'l resist anmò de 'na quai banda 'me tradizzion folklorega) a l'è compagn del l'è foeu sgenee e del tirà li tolli (faa el 31 de genar).
Probabilment a l'era ona manera de demostrà che l'invern l'era dree a finì, e che donca l'era giusta scomincià a sortì foeura de cà.