Italo-Nuovo Trasporto Viaggiatori
Italo-Nuovo Trasporto Viaggiatori, finna al 18 de genar 2018 domà Nuovo Trasporto Viaggiatori, a l'è 'n azienda italiana de straport fondada el 11 de dicember 2006 a Roma dal Luca Cordero di Montezemolo.
Principalment la se occupa di treni a volta velocità, servizzi faa cont di AGV de la Alstom. La gh'ha anca di conligament cont el pullman in tra i stazion e i alter città important. El sò marchio a l'è .Italo.
I sò officin hinn in la zona de Nola e oltra ai treni AV la gh'ha dò locomotiv Vossloh in nolegg.
Attività[Modifega | modifica 'l sorgent]
Italo el fa concorrenza a Trenitalia in sul servizzi alta velocità in su la Red Ferroviaria Italiana. El servizzi l'è faa de 56 viagg ògni dì che quatten 13 città e 18 stazion.
- Turin Porta Noeuva - Salerno Centrala, in principi in tra Milan e Napoli e poeu estenduda ai capoligna, ma finna al 13 de dicember 2015 el capoligna a l'éra Turin Porta Susa
- Venezia-Napoli, dal 2013 al 2017 finna a Salerno
- Bressa-Verona Porta Noeuva-Napoli Centrala dal dicember 2015
- A l'è prevista la vertura de l'april 2018 di conligament dirett Turin-Milan-Venezia. Da giugn, inveci, a l'è prevista Verona-Roma, cont di estension vers Trent e Bolzan.
Italobus[Modifega | modifica 'l sorgent]
Dal dicember 2015 a l'è attiv Italobus, servizzi che 'l integra el strapòrt AV cont el strapòrt su gomma e che 'l conliga di località importànt cont i stazion AV. A hinn quattaa Mantova, Parma, Cremona, Modena, Berghem, Capriaa, Orio al Serio, Rovereto, Trent, Picerno, Potenza, Ferrandina, Matera, Taranto, Sala Consilina, Lauria, Frascineto (Castrovillari) e Cosenza.
Storia[Modifega | modifica 'l sorgent]
La società a l'è fondada in del 2006 de Luca Cordero di Montezemolo, Diego Della Valle, Gianni Punzo e Giuseppe Sciarrone cont l'obietiv de compet in sul mercaa de l'alta velocità in vista di liberalizzazion ferroviaria de l'Union europea. In del 2008 entren in la società l'Intesa Sanpaolo e la Société Nationale des Chemins de fer Français e hinn ordinaa i AGV.
El 19 de ottober 2011 a l'è daa el permess per doperà l'AV e i lign arent de la Agenzia Nazionale per la Sicurezza delle Ferrovie. El 28 de april 2012 scomincia el servizzi commercial in tra Milan Porta Garibaldi e Napoli Centrala.
Material rotabil[Modifega | modifica 'l sorgent]
La flotta de Italo a l'è assee standardizzada e l'è fada di treni de la Alstom. El primm treno de la società a l'è el AGV 575, in del 2015 a l'è giontaa l'Elettrotreno NTV ETR.675.