Hanga Roa
|
Quest articol chì l'è scrivud in lombard, con la Noeuva Ortografia Lombarda |
Hanga Roa (in lengua rapanui, o ben zoca granda, in spagnoeul Bahía Larga) a l'è la capital e unega cità de l'Isola de Pasqua[1], in Cile e la se troeuva in de la part sud-ocidentala de l'isola. Segond i dat del 2002, a inn present 3 304 abitant e representen pussee del 87% de la popolazzion de l'isola.[2]
Geografia[Modifega | modifica 'l sorgent]
El coeur de la citadina a l'è costituid da la so via principala, l'Avenida Policarpo Toro (Avenida Atamu Tekena), indova che se troeuven negozzi, albergh, restorant e l'unega farmazzia de l'isola. In del center de Hanga Roa sorgen el musee de l'isola e la gesa catolega, che la fa sia de sit de retroeuv spiritual che de sala riunion per la citadinanza. Con la vegnuda de l'internet e el mejorament di servizzi de comunegazzion fad su del govern cilen, in di ultem agn inn stad dervid divers internet cafè e l'è stad rendud disponibel fin un bancomat.[3]
L'aeroport de Hanga Roa, el Mataveri International Airport, a l'è servid de la compagnia de bandera cilena LAN, che l'ofriss sgol diret per Santiago del Cile e per Papeete in su l'isola de Tahiti.
Infrastruture[Modifega | modifica 'l sorgent]
Salud[Modifega | modifica 'l sorgent]
Un noeuv ospedal a l'è stad dervid in del 2013, al post de vun pussee vegg donad in di agn 70 di Stad Unid d'Amerega. L'ospedal el gh'ha una capacità de 16 lecc. It is the only strutura sanitaria in su l'isola.[4]
Istruzzion[Modifega | modifica 'l sorgent]
In tra i diverse scoeule el gh'è el Colegio Lorenzo Baeza Vega, che l'ofriss istruzzion primaria con focus in su l'insegnament de la coltura tradizzionala e de la lengua rapanui,[5] e el Liceo Aldea Educativa, che l'ofriss qualifegazzion in di aree di studi umanistegh, turism e agricoltura.[6]
Note[Modifega | modifica 'l sorgent]
- ↑ (EN) Hanga Roa Map. URL consultad in data 10 dicembre 2016.
- ↑ (EN) Hanga Roa Town. URL consultad in data 10 dicembre 2016.
- ↑ (EN) Services. URL consultad in data 10 dicembre 2016.
- ↑ Inauguran Hospital Hanga Roa en Isla de Pascua (es). Infraestructura Hospitalaria.
- ↑ Colegio Lorenzo Baeza Vega, inaugura sector especial para clases de Interculturalidad (es). Municipality of Rapa Nui.
- ↑ Educación DAEM (es). Municipality of Rapa Nui.